Папа Леў XIV прызначыў новага кіраўніка беларускіх грэка-католікаў

Ім стаў ураджэнец Полацка Леанцій Тумоўскі.

Папа Леў XIV прызначыў новага апостальскага адміністратара для грэка-католікаў Беларусі (фактычнага кіраўніка Беларускай грэка-каталіцкай царквы), паведамляе «Хрысціянская візія».

14 верасня Папа Леў XIV прыняў прашэнне аб адстаўцы архімандрыта Сяргея Гаека, пададзенае ім у сувязі з дасягненнем паважнага ўзросту. Архімандрыт Гаек узначальваў Апостальскую адміністрацыю для грэка-католікаў у Беларусі з 1994 года. Айцец Аляксандар Надсан, у сваю чаргу, быў кіраўніком грэка-католікаў у эміграцыі.

Сяргей Гаек быў палякам па паходжанні, ён нарадзіўся ў 1949 годзе ў Лышковіцах Лодзінскага ваяводства.

Новым апостальскім адміністратарам гэтай царкоўнай структуры Папа прызначыў беларуса, айца Леанція Тумоўскага.

Леанцій (у свецкім жыцці Аляксандр) Тумоўскі нарадзіўся 9 ліпеня 1973 года ў Полацку, дзе скончыў школу. Вучыўся ва Украінскім каталіцкім універсітэце. З 2003 года быў настаяцелем Барыса-Глебскага манастыра ў Полацку і настаяцелем прыходу святамучаніка Язафата Кунцэвіча. У 2006 годзе быў прызначаны протапрэзвітарам Усходняга протапрэзвітарату Беларускай грэка-каталіцкай царквы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]