Стрэлкоў: Гэтай зімой Расіі будзе горш, чым Украіне

Ён папярэдзіў пра цяжкія ўдары па энергетыцы.

Вайна РФ супраць Украіны ўваходзіць у восеньска-зімовую фазу. І расіянам варта рыхтавацца да вельмі сур'ёзных выпрабаванняў, паколькі магчымасці Кіева хутка растуць, лічыць ваенны злачынца, Z-патрыёт Ігар Стрэлкоў (Гіркін).

Яго ліст апублікавалі 12 верасня паплечнікі, перадае Dialog.UA.

Стрэлкоў лічыць, што становішча Расіі гэтай зімой будзе заўважна горшае, чым ва Украіне.

«Наперадзе чарговы раўнд ваеннай кампаніі — восеньска-зімовы, падчас якога абмен «прыемнымі нечаканасцямі» ў выглядзе мас і ардаў БПЛА, а таксама стаяў ракет будзе працягвацца ў бесперапынна нарастальным рэжыме… Асноўныя намаганні будуць скіраваныя на паражэнне (ўзаемнае) аб'ектаў энергетыкі і жыццязабеспячэння найбуйнейшых гарадскіх цэнтраў і агламерацый… Становішча ў РФ некалькі горшае. Па-першае, таму што наша насельніцтва (за выключэннем некалькіх прыгранічных абласцей) яшчэ не прывыкла да жыцця без вады і электрычнасці… А па-другое, таму што зіма ў большасці рэгіёнаў РФ істотна халаднейшая і даўжэйшая, чым ва Украіне», — напісаў Стрэлкоў.

Таксама ён усумніўся ў тым, што расійскія ўлады здольныя рэагаваць на маштабныя надзвычайныя сітуацыі. Для гэтага няма дастатковай колькасці сіл і сродкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]