Крэмль назваў немагчымай сустрэчу Зяленскага з Пуціным у Маямі

У Маскве адразу выстаўілі жорсткую ўмову.

Прэзідэнт Украіны Уладзімір Зяленскі заявіў пра гатоўнасць сустрэцца з расійскім дыктатарам Уладзімірам Пуціным на саміце G20 ў Маямі для перамоваў аб завяршэнні вайны. У Крамлі гэтую магчымасць адразу адхілілі, назваўшы «немагчымай».

Пра гэта паведамляе France 24.

У інтэрв’ю, апублікаваным у суботу, прэзідэнт Украіны сказаў, што гатовы сустрэцца з Пуціным на саміце G20, які адбудзецца 14–15 снежня. Зяленскі настойваў, што Украіна знаходзіцца ў лепшай перамоўнай пазіцыі з-за страт Расіі на полі бою.

Пакуль няма пацверджання, ці плануе Пуцін увогуле прысутнічаць на самім саміце.

«Гэта немагчыма», — заявіў прэс-сакратар Крамля Дзмітрый Пяскоў журналістам AFP у Нью-Дэлі, паўтарыўшы патрабаванне Масквы: сустрэча магчымая толькі ў расійскай сталіцы.

На пытанне, ці разглядае Крэмль альтэрнатыўнае месца для сустрэчы з Зяленскім, Пяскоў адказаў, што гатоўнасць сустрэцца існуе — «у Маскве».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]