Axios: кіраўнік ЦРУ зрабіў таемную прапанову ў Маскве

Гэта быў першы выпадак, калі Рэткліф асабіста ўдзельнічаў у дыпламатычных намаганнях.

Дырэктар ЦРУ Джон Рэткліф падчас таемнай паездкі ў Маскву прапанаваў правесці трохбаковую сустрэчу паміж прэзідэнтам ЗША Дональдам Трампам, прэзідэнтам Украіны Уладзімірам Зяленскім і дыктатарам РФ Уладзімірам Пуціным. Мэта — паспрабаваць пакласці канец вайне.

Пра гэта паведамляе Axios.

Выданне адзначае, што гэта быў першы выпадак, калі Рэткліф асабіста ўдзельнічаў у дыпламатычных намаганнях па дасягненні прарыву ў адносінах паміж Украінай і Расіяй.

Паводле слоў крыніц, візіт кіраўніка ЦРУ быў часткова скіраваны на высвятленне таго, ці змогуць кіраўнікі расійскіх спецслужбаў дапамагчы пераканаць Пуціна аднавіць перамовы пры пасярэдніцтве ЗША.

Як вядома, Рэткліф сустракаўся ў Маскве з кіраўніком знешняй разведкі СВР Сяргеем Нарышкіным і дырэктарам ФСБ Аляксандрам Бортнікавым.

Крыніцы кажуць, што Рэткліф прыйшоў да высновы, што Бортнікаў — канструктыўны гулец, які здольны дапамагчы аднавіць дыпламатычныя намаганні.

Тут таксама важна згадаць матэрыял The New York Times, дзе гаварылася, што Рэткліф даў Бортнікаву «пахмурную ацэнку» сітуацыі на вайне, заклікаўшы Расію заключыць дамову да таго, як становішча пагоршыцца.

У той жа час украінскія чыноўнікі скептычна ставяцца да намераў Пуціна і заяўляюць, што маюць даныя, якія сведчаць пра тое, што дыктатар РФ плануе маштабную эскалацыю вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]