У Маскве адбыўся блэкаўт

Гарыць ЦЭЦ.

У некалькіх раёнах Масквы — Гагарынскім, Данілаўскім і ў Замаскварэччы — адбыўся блэкаўт, пасля якога пачаліся маштабныя збоі ў працы інтэрнэту, паведамляе «Осторожно Москва». Карыстальнікі па ўсёй Расіі скардзяцца на недаступнасць сайтаў і сэрвісаў, а таксама на праблемы ў найбуйнейшых правайдараў і аператараў сувязі, уключаючы «Ростелеком», «Мегафон», «Білайн» і Lovit. За апошнюю гадзіну ў сэрвіс Downdetector паступіла больш за тысячу паведамленняў пра збоі. Больш за ўсё скаргаў пакінулі жыхары Масквы і Санкт-Пецярбурга.

Паводле звестак выдання, электрычнасць адключылася пасля пажару на «аб’екце» на вуліцы Вавілава ў Гагарынскім раёне — судзячы па кадрах, гаворка ідзе пра ЦЭЦ-20. Блізкі да сілавікоў тэлеграм-канал «112» піша, што там адбыўся выбух.

Крыніца РБК таксама паведаміла пра аварыю ў Гагарынскім раёне, якая паўплывала на Маскоўскую міжгароднюю тэлефонную станцыю № 9 (ММТС-9). Праз яе праходзіць значная частка расійскага інтэрнэт-трафіку. Прадстаўнік найбуйнейшага ў краіне рэгістратара даменных імёнаў Reg.ru пацвердзіў ТАСС, што перабоі ў працы рунэта звязаныя з парушэннем падачы электраэнергіі на буйным вузле сувязі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]