Пуцін не пратрымаецца і дваццаці дзён

Гісторыя паўтараецца ў наш час.

Як грамадзянін злачыннай дзяржавы-агрэсара я ніколі не дазваляў сабе даваць якія-небудзь парады або рэкамендацыі Украіне, якая гераічна змагаецца з жорсткім агрэсарам. Але, па-першае, на адзінаццатым годзе майго разыску гэтай дзяржавай маё былое грамадзянства ўжо мае даволі ўмоўны характар.

А па-другое, калі на 87-м годзе жыцця ты валодаеш нейкай стратэгічнай інфармацыяй, важнай для сілаў Дабра, ты проста абавязаны паспець падзяліцца ёю з горадам і светам.

Маёй стратэгічнай інфармацыяй з’яўляецца выразнае ўсведамленне глыбокай аналагіі ў паводзінах КНР у ключавыя моманты III сусветнай вайны (халоднай) і цяперашняй IV сусветнай вайны.

Вынік III сусветнай вырашыў, а вынік IV, як я перакананы, вырашыць адзін і той жа стратэгічны манеўр — пераход Кітая ў ходзе вайны на правільны бок Гісторыі.

У лютым 1972-га гэты паварот быў замацаваны палітычна падчас гістарычнага візіту Прэзідэнта ЗША Ніксана і дзяржсакратара ЗША Кісінджэра ў Пекін.

На пачатку 70-х я, яшчэ адносна малады чалавек, працаваў у Інстытуце ЗША і Канады АН СССР, і да маіх службовых абавязкаў уваходзіў аналіз фатальнага для СССР працэсу збліжэння камуністычнага Кітая і Лідара Свабоднага Сусвету — ЗША.

Першыя сігналы аб магчымай змене вехаў, што сыходзілі з Пекіна, былі ўспрынятыя ў амерыканскім палітыкуме са скепсісам і недаверам. Спатрэбілася творчае ўяўленне Кісінджэра і палітычная смеласць Ніксана, каб ацаніць велізарныя перспектывы новага характару адносін ЗША і КНР.

Гісторыя паўтараецца ў наш час. Вось ужо больш за месяц з Пекіна ідуць — не, не сігналы, а каскад адкрыта недружалюбных адносна пуцінскай Расіі заяў, жэстаў, рашэнняў кітайскага кіраўніцтва.

Але апафеозам месячніка «руска-кітайскай дружбы» стала пасяджэнне СБ ААН 29 ліпеня, на якім выступ кітайскага прадстаўніка прагучаў больш праўкраінскім, чым амерыканскага... Таварыш Фу Конг не толькі заклікаў (як і ўсе члены СБ, акрамя Расіі) абодва бакі неадкладна спыніць баявыя дзеянні. Ён пайшоў далей. Ён падкрэсліў, што перамовы аб паўнамаштабным урэгуляванні канфлікту павінны зыходзіць з прынцыпу захавання непарушнай тэрытарыяльнай цэласнасці ўсіх дзяржаў.

4 ліпеня Ван І, міністр замежных спраў Кітая і фактычна другая асоба ў дзяржаве, запрасіў свайго ўкраінскага калегу Андрэя Сібігу наведаць Пекін з афіцыйным візітам. МЗС Украіны з удзячнасцю прыняў гэта запрашэнне. Канкрэтная дата візіту знаходзіцца на стадыі абмеркавання.

Сення 14 жніўня — 41-ы дзень пасля таго, як Пекін, як і 54 гады таму, запрасіў Лідара Свабоднага свету абмеркаваць свой пераход на бок Дабра.

Шмат што змянілася за гэтыя гады. У нас з’явіўся Новы Лідар Свабоднага Сусвету. Гэты цяжар, гэтую адказнасць і гэта сусветнае прызнанне Гісторыя ўсклала на Украіну, якая гераічна змагаецца за Сваю Свабоду і за Свабоду ўсяго свету. Яе 800-гадовы праціўнік, спадчынніца Залатой Арды Масковія, прыкметна аслабла. Яе папярэдняя іпастась, атрымаўшы ад Кітая смяротны ўдар у 1972-м, яшчэ каля дваццаці гадоў падыхала. Пуцінскі рэйх не пратрымаецца і дваццаці дзён. Гэта не прагноз, гэта рэкамендацыя да дзеянняў. Вельмі простая рэкамендацыя. Як любую навуковую гіпотэзу, яе можна праверыць эксперыментальна:

Дзень 1-ы. 15 жніўня: Сібіга-Кісінджэр, нарэшце, адпраўляецца ў Пекін.

Дзень 3-ці. 17 жніўня:

Міністры, натуральна, пакінуць найбольш эфектныя кліпы для сваіх прэзідэнтаў. На сумеснай прэс-канферэнцыі па выніках перамоваў абодва, адказваючы на пытанні, пацвердзяць сваю прыхільнасць вядомай формуле Фу Конга ўрэгулявання ўкраінскага крызісу. І ўжо амаль сыходзячы, Ван І нібы між іншым паведаміць, што 1 верасня ў Пекін з трохдзённым дзяржаўным візітам прыбудзе Прэзідэнт Украіны Уладзімір Зяленскі.

Дзень 20-ы. 3 верасня.

У сваёй прамове на ўрачыстым прыёме ў гонар 81-й гадавіны Перамогі над Японіяй у прысутнасці Уладзіміра Зяленскага, як Прэзідэнта адной з дзяржаў-пераможцаў, таварыш Сі паведамляе, што запрасіў Прэзідэнта Зяленскага і прадстаўніка новых улад Расіі прыбыць у Пекін у панядзелак, 14 верасня, для правядзення трохбаковых перамоваў аб доўгатэрміновым урэгуляванні ўкраінскага крызісу на аснове формулы Фу Конга.

Мне гэта так жа ясна, як простая гама…

Андрэй Пянткоўскі, kasparovru.com

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]