Літоўцы адстоялі халаднік

Выданне The New York Times выправіла рэцэпт, прызнаўшы яго літоўскім.

Адзінства і настойлівасць літоўцаў прынеслі плён. Спецыяліст па камунікацыях Кароліс Жукаускас паведамляе пра перамогу: The New York Times выправіў рэцэпт халадніка, піша партал delfi.lt.

Гэтая гісторыя пачалася некалькі гадоў таму, калі The New York Times у сваёй рубрыцы надрукаваў рэцэпт халадніка, назваўшы яго польскай стравай (Chłodnik litewski), не згадаўшы літоўскую назву «шалцібаршчай».

Гэтая памылка выклікала абурэнне літоўцаў у сацыяльных сетках, а Жукаускас напісаў у рэдакцыю выдання і аўтарцы артыкула Касіі Пілат ліст з патрабаваннем аднавіць справядлівасць.

Выданне доўга не рэагавала на заўвагі, але ў новым нумары дапоўніла артыкул важным каментаром: «Chłodnik litewski ў перакладзе азначае літоўскі халодны суп, які цэніцца ў абедзвюх краінах. У Літве яго называюць шалцібаршчай», — сказана ў новым нумары The New York Times.

Жукаускас парадаваўся, што намаганні літоўцаў далі плён, ён заклікаў суайчыннікаў падзякаваць рэдакцыі выдання і запрасіць аўтарку артыкула на Pink Soup Festival у Вільнюсе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]