У Навасібірску для Пуціна зладзілі паказуху

Пачаліся «цуды» на АЗС.

Расійскі дыктатар Уладзімір Пуцін 11 жніўня адправіўся з рабочай паездкай у Навасібірск — горад, размешчаны за тры тысячы кіламетраў ад Украіны. З нагоды яго візіту там увялі жорсткія меры бяспекі, а на некалькі гадзін нават знізіліся цэны на бензі�н, піша «Дыялог».

Жыхары Навасібірска звярнулі ўвагу, што пакуль Пуцін знаходзіўся ў горадзе, кошт паліва на мясцовых АЗС загадкавым чынам пайшоў уніз. На некаторых запраўках і ўвогуле адключылі табло з цэнамі і прыпынілі продаж бензіна. Як толькі кіраўнік Крамля пакінуў горад, цэны імгненна падскочылі — прыкладна на 20 рублёў.

Дзіўнасці з бензінам аказаліся не адзінымі. Уздоўж усяго маршруту руху дыктатара выставілі патрулі з інтэрвалам амаль праз кожныя 50 метраў. Мясцовым жыхарам забаранялі набліжацца да гэтых дарог, пакідаць там аўтамабілі і нават адчыняць вокны або глядзець у іх. Тых, хто не выконваў гэтыя «рэкамендацыі», разганялі ў грубай форме.

Паводле сведкаў, з-за перакрыцця ключавых магістраляў дзеля картэжу Пуціна горад стаў у дзесяцібальных заторах.

На гэтым фоне крэмлёўскія прапагандысты распаўсюдзілі відавочна пастаноўчы ролік — нібыта Пуцін «раптам» вырашыў спыніцца і паразмаўляць з групай дзяцей каля закрытай запраўкі. На відэа дыктатар падыходзіць да натоўпу, абдымае хлопчыка, а непадалёк стаяць узброеныя байцы ў камуфляжы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]