Навукоўцы вылучылі чатыры тыпы мысляроў
2- 30.07.2026, 12:31
Розныя людзі схільныя зацыклівацца на пэўных тыпах інфармацыі.
Даследчыкі з Клермонтскага аспіранцкага ўніверсітэта і Уханьскага ўніверсітэта правялі эксперымент з 258 добраахвотнікамі ва ўзросце ад 19 да 71 года. На працягу двух тыдняў удзельнікі карысталіся спецыяльным прыкладаннем для смартфона, піша «Нож».
Прыкладанне падавала гукавы сігнал восем разоў на дзень. Пачуўшы яго, выпрабаваныя павінны былі апісаць свае актуальныя думкі і дзеянні, а таксама ацаніць свой узровень шчасця.
Аналіз больш як 23 тыс. адказаў паказаў: развагі людзей цесна звязаныя з часам сутак, бо ўдзень амаль усе засяроджваюцца на працы, а увечары — на адпачынку. Пры гэтым, згодна з дэталёвай ацэнкай свядомых думак, усіх удзельнікаў эксперыменту можна падзяліць на групы.
Ітак, эканамісты вылучылі чатыры групы мысляроў: трывожныя людзі; людзі, сканцэнтраваныя на побыце; асобы, што «мысляць целам»; і працаголікі, якія сумяшчаюць працу і спорт.
Паводле слоў навукоўцаў, «трывожнікі» на 60 % часцей за астатніх думаюць пра глабальныя падзеі, а на 50 % часцей — пра сваё здароўе і бяспеку. Аматары побыту ўдвая больш за іншых зацыкліваюцца на хатніх справах і фінансавых пытаннях, а таксама даволі часта ўзгадваюць сюжэты з фільмаў і кніг.
«Мыслячыя целам» з зайздроснай рэгулярнасцю прыслухоўваюцца да сваіх фізічных адчуванняў, выпрабоўваюць навязлівыя думкі, пагружаюцца ў самарэфлексію. Апошнія — працаголікі-спартсмены — у два разы часцей думаюць пра працу, аднак пры гэтым на 25 % больш часу аддаюць думкам пра захапленні, гульні і мастацтва.
Навукоўцы ўдакладнілі, што любы чалавек змяняецца на працягу ўсяго свайго жыцця, і іх вынікі не варта экстрапаляваць на ўсё грамадства.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
