Дадатак «Белаграпрамбанка» выдалілі з App Store
1- 30.07.2026, 11:54
Некаторыя банкаўскія аперацыі цяпер даступныя толькі праз браўзер.
«Белаграпрамбанк» паведаміў пра абмежаванні ў працы сваіх сэрвісаў на прыладах з iOS, піша Onlíner. З-за санкцыйных абмежаванняў мабільныя дадаткі банка больш нельга спампаваць з App Store.
Для фізічных асоб гэта азначае, што дадатак «Белаграпрамбанка» немагчыма ўсталяваць нанова. Раней спампаваная версія таксама цяпер не працуе.
У якасці альтэрнатывы банк прапануе карыстацца вэб-дадаткам, даступным праз браўзер Safari. Ён дазваляе выконваць асноўныя аперацыі без усталёўкі дадатку на смартфон.
Карыстальнікам даступныя рэгістрацыя, прагляд балансу картак, плацяжы і пералічанні, кіраванне карткамі, акрамя іх выпуску і перавыпуску, а таксама аперацыі па ўкладах, рахунках і крэдытах, за выключэннем афармлення новых прадуктаў.
Поўны набор дыстанцыйных паслуг, уключаючы афармленне банкаўскіх прадуктаў, застаецца даступным праз інтэрнэт-банкінг.
Банк таксама папярэдзіў кліентаў, якія ўсталёўвалі дадатак праз TestFlight: надалей гэтая версія таксама можа перастаць працаваць.
Што зменіцца для бізнесу
Абмежаванні закранулі і карыстальнікаў дадатку BelAPB Business на iPhone. Спампаваць яго з App Store больш нельга. Ужо ўсталяваная версія працягне працаваць, аднак пасля выдалення аднавіць дадатак не атрымаецца.
Акрамя таго, з 31 ліпеня 2026 года карыстальнікі iOS не змогуць сфармаваць у дадатку дакумент «Даведка аб адсутнасці (выкананні) абавязацельстваў». У банку патлумачылі гэта немагчымасцю абнавіць дадатак да версіі з неабходным функцыяналам.
Для правядзення ўсіх аперацый бізнес-кліентам рэкамендуюць выкарыстоўваць сістэму «Інтэрнэт-кліент», якая працягвае працаваць у поўным аб'ёме.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
