Што думаюць навукоўцы пра «Адысэю» Крыстафера Нолана?

Фільм выклікаў гарачыя спрэчкі сярод знаўцаў Гамера

Новая экранізацыя «Адысэі» Крыстафера Нолана стала адной з галоўных кінападзей года, сабраўшы 264,1 млн долараў у сусветным пракаце ўжо за першы ўік-энд. Аднак калі гледачы і крытыкі сустрэлі фільм з захапленнем, то сярод спецыялістаў па старажытнагрэчаскай літаратуры меркаванні падзяліліся, піша Independent (пераклад — сайт Charter97.org).

Фільм з Мэтам Дэйманам у ролі Адысея заснаваны на знакамітай паэме Гамера і распавядае пра вяртанне героя дадому пасля Траянскай вайны. Карціна ўразіла маштабам здымак у фармаце IMAX і акцёрскай гульнёй, аднак частка даследчыкаў лічыць, што рэжысёр занадта далёка адышоў ад першакрыніцы.

Прафесарка Пенсільванскага ўніверсітэта і перакладчыца «Адысэі» Эмілі Уілсан прызналася, што радуецца новай цікавасці да паэмы. «Я хачу адсвяткаваць той факт, што значна больш людзей даведаліся пра гэты твор і вярнуліся да паэмы», — сказала яна. У той жа час, на яе думку, Нолан «спрабаваў уціснуць усё, але ўпусціў тэмы, якія былі жыццёва важныя для твора».

Падобнай пазіцыі прытрымліваецца перакладчык і літаратурны крытык Даніэл Мендэльсон. Ён высока ацаніў візуальны стыль фільма, але адзначыў, што экранны Адысей страціў «хітрасць, гумар і абаянне». «Нолан проста перарабіў героя Гамера паводле ўласнага вобразу», — перакананы даследчык.

Нягледзячы на крытыку, Эмілі Уілсан рэкамендуе паглядзець фільм менавіта ў кінатэатры. Паводле яе слоў, гэта відовішчная праца, якая здольная пазнаёміць мільёны гледачоў з класічным творам і натхніць іх звярнуцца да арыгіналу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]