У Беларусі абнавілі школьную праграму па інфарматыцы
- 28.07.2026, 21:50
Дадалі ШІ.
З 1 верасня 2026 года ў шостых–дзявятых класах уводзіцца абноўленая праграма па інфарматыцы, паведамілі ў Міністэрстве адукацыі Беларусі.
Галоўная навінка, якая адрознівае гэту версію ад папярэдняй, – інтэграцыя штучнага інтэлекту ў вучэбны працэс.
«Вучэбная праграма разлічана на 139 акадэмічных гадзін, па адной гадзіне на тыдзень для кожнага класа. Яна ахоплівае шэсць змястоўных ліній: інфармацыя і інфармацыйныя працэсы, апаратнае і праграмнае забеспячэнне камп'ютараў, асновы алгарытмізацыі і праграмавання, камп'ютарныя інфармацыйныя тэхналогіі, камунікацыйныя тэхналогіі, а таксама камп'ютарнае інфармацыйнае мадэляванне», – расказалі БелТА ў прэс-службе ведамства.
У абноўленай праграме зроблены акцэнт на практыку. Стаіць задача фарміраваць у вучняў функцыянальную пісьменнасць: уменне прымяняць лічбавыя навыкі ў рэальным жыцці праз вырашэнне задач па матэматыцы, фізіцы, біялогіі і геаграфіі.
«Гэта садзейнічае фарміраванню міжпрадметных кампетэнцый», – падкрэслілі ў Міністэрстве адукацыі.
Так, у восьмым класе школьнікі будуць вучыцца складаць запыты да ШІ, правяраць даставернасць інфармацыі, апрацоўваць тэксты, аўдыя, відэа.
У дзявятым – пачнуць прымяняць ШІ ў мадэляванні. Вучні будуць свядома ўзаемадзейнічаць з лічбавымі інструментамі і крытычна аналізаваць вынікі.
Не абышлі ў праграме і кібербяспеку. Школьнікі будуць вывучаць тэмы па абароне персанальных даных, распазнаванні махлярскіх схем і дыпфэйкаў, сеткавым этыкеце, адказным выкарыстанні ШІ і захаванні аўтарскіх правоў.
У выніку вучні навучацца аналізаваць інфармацыю, працаваць з воблачнымі сэрвісамі, ствараць мультымедыйны кантэнт і атрымаюць навык алгарытмічнага мыслення.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
