Найдарожэйшы амерыканскі аўтамабіль у гісторыі выстаўлі на аўкцыён

Легендарны спарткар ацанілі ў $25 мільёнаў.

На аўкцыён выстаўлі купэ Shelby Cobra Daytona 1964 года. Легендарны спарткар — найдарагі аўтамабіль з ЗША ў гісторыі.

Прыблізны кошт Shelby Cobra Daytona — не менш за 25 мільёнаў долараў. У спарткара ёсць усе шанцы пабіць рэкорд Duesenberg SSJ, які цяпер з'яўляецца самым дарагім амерыканскім аўтамабілем ($22 мільёны). Пра знакамітую мадэль распавялі на сайце аўкцыёна Gooding Christie's.

Daytona — рэдкая гоначная версія легендарнай Shelby Cobra з абцякальным кузавам купэ. Кэрал Шэлбі стварыў яе спецыяльна, каб кінуць выклік у гонках непераможным Ferrari 250 GTO.

Усяго вырабілі шэсць купэ Shelby Cobra Daytona. Іх аснасцілі 4,7-літровым рухавіком V8 ад Ford Mustang з павялічанай да 385 к.с. магутнасцю. З 4-ступенчатай механічнай каробкай перадач гэты лёгкі (1043 кг) спарткар здольны разганяцца да 100 км/г за 4 с і развіваць 318 км/г.

Канкрэтна гэта аўто з нумарам кузава CSX2300 — трэцяе ў серыі. У сезоне 1965 года яно стала другім у класе на Гран-пры Францыі ў Рэймсе і трэцім — у гонках у Себрынгу, Дэйтоне і на Нюрбургрынгу. Гэта дапамагло Шэлбі і Ford перамагчы Ferrari і выйграць чэмпіянат свету ў класе GT.

Пасля гэтага Shelby Cobra Daytona ўдзельнічаў у чэмпіянаце Японіі, дзе ў 1966 годзе выйграў дзве гонкі. Сваю кар'еру ў аўтаспортзе ён завяршыў у 1968 годзе.

З 1975 па 1998 год гэты спарткар захоўваўся ў калекцыі Кэрала Шэлбі, а ў 2003 годзе прайшоў поўную рэстаўрацыю. Shelby Cobra Daytona неаднаразова ўдзельнічаў у шоу і гонках рэтрааўтамабіляў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]