Ці можна ў горадзе або на пляжы піць безалкагольнае піва?

Беларусам да ведама.

Пра тое, ці можна піць безалкагольнае піва ў грамадскіх месцах, у эфіры «Радыё-Мінск» распавёў першы намеснік начальніка Мінскага гарадскога ўпраўлення Дэпартамента аховы МУС Аляксандр Марозаў.

Асвяжыцца так званай «нулёўкай» у парку або каля вады і пры гэтым не парушыць закон не атрымаецца. І вось чаму:

— Прадугледжана адказнасць за распіццё піва як такога. Заканадавец не падзяляе яго на слабаалкагольнае, безалкагольнае ці наогул «проста піва», — адзначыў прадстаўнік ведамства.

Аляксандр Марозаў таксама дадаў, што ў безалкагольным пенным напоі ўсё адно ўтрымліваецца этыловы спірт, хай і ў нязначнай долі. Акрамя таго, візуальна вызначыць склад напою ў банцы або бутэльцы немагчыма, а сам працэс падае негатыўны прыклад падлеткам. Таму, каб пазбегнуць лішніх спрэчак на месцы, праваахоўнікі фіксуюць сам факт ужывання прадукту.

За першае такое парушэнне пагражае штраф да 8 базавых велічынь (на сёння гэта да 360 рублёў). Калі на працягу года трапіцца паўторна, пакаранне будзе больш строгім — ад 2 да 15 базавых велічынь.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]