Якое надвор'е чакае беларусаў у бліжэйшыя дні

Прагноз на 9–11 чэрвеня.

9 чэрвеня надвор'е на заходняй палове Беларусі будзе вызначаць вобласць павышанага атмасфернага ціску, на ўсходняй палове захаваецца ўплыў атмасфернага фронту. Пераменная воблачнасць, паведамляе Белгідрамет.

Пераважна на ўсходняй палове пройдуць дажджы, у асобных раёнах чакаюцца навальніцы, уначы на паўднёва-ўсходзе месцамі моцныя дажджы. У начныя і ранішнія гадзіны ў асобных раёнах будзе згушчацца туман. Вецер паўночна-заходні умераны, пры навальніцах парывісты. Мінімальная тэмпература паветра ўначы складзе ад +8°С на паўночным захадзе да +16°С на ўсходзе краіны, максімальная ўдзень +21..+27°С. Атмасферны ціск істотна не зменіцца.

10 чэрвеня ўначы надвор'е ў асноўным будуць фарміраваць неўстойлівыя паветраныя масы, раніцай і ўдзень скажацца ўплыў франтальнай мяжы, якая перамяшчаецца з Заходняй Еўропы. Воблачна з праясненнямі. Уначы месцамі, раніцай і ўдзень на большай частцы тэрыторыі рэспублікі пройдуць кароткачасовыя дажджы. У асобных раёнах чакаюцца навальніцы. Уначы і раніцай месцамі слабы туман. Вецер пераменных напрамкаў умераны, пры навальніцах парывісты. Мінімальная тэмпература паветра ўначы +9..+16°С, максімальная ўдзень +22..+28°С, месцамі +18..+21°С.

11 чэрвеня пагодныя ўмовы будуць вызначаць кантрасныя франтальныя сістэмы, што перамяшчаюцца з паўднёва-захаду Еўропы. Воблачна, уначы з праясненнямі. На большай частцы тэрыторыі рэспублікі чакаюцца дажджы, месцамі моцныя дажджы і навальніцы. Уначы і раніцай у асобных раёнах слабы туман. Вецер пераменных напрамкаў парывісты, удзень пры навальніцах моцны парывісты. Мінімальная тэмпература паветра ўначы +10..+17°С, максімальная ўдзень складзе ад +18°С на захадзе да +30°С на паўднёва-ўсходзе Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]