ЕС падоўжыў эканамічныя санкцыі супраць РФ
- 25.06.2026, 22:54
На год.
Рада Еўрапейскага саюза падоўжыла эканамічныя санкцыі ў дачыненні да Расіі за дзеянні, што дэстабілізуюць сітуацыю ва Украіне, яшчэ на адзін год, да 31 ліпеня 2027 года.
Пра адпаведнае рашэнне ў чацвер паведаміла Рада ЕС.
«Гэтае рашэнне было прынята пасля паседжання Еўрапейскага савета 18–19 чэрвеня 2026 года, на якім лідары ЕС дамовіліся падоўжыць эканамічныя санкцыі супраць Расіі яшчэ на 12 месяцаў», — нагадалі ў Радзе ЕС.
Як гаворыцца ў паведамленні, гэтыя эканамічныя абмежаванні, упершыню ўведзеныя ў 2014 годзе, былі істотна пашыраныя пасля пачатку паўнамаштабнага ўварвання Расіі ва Украіну ў лютым 2022 года.
«Дзейныя меры ахопліваюць ключавыя сектары эканомікі, у прыватнасці гандаль, фінансы, энергетыку і тавары падвойнага прызначэння. Яны таксама прадугледжваюць забарону на імпарт і транспартаванне ў ЕС расійскай сырой нафты і асобных нафтапрадуктаў, абмежаванне дзейнасці шэрагу фінансавых устаноў і пастаўшчыкоў крыптапаслуг у Расіі і трэціх краінах, а таксама прыпыненне вяшчання і ліцэнзій некалькіх падтрымліваемых Крамлём крыніц дэзінфармацыі. Акрамя таго, асобныя меры дазваляюць ЕС супрацьдзейнічаць абыходу санкцый», — падкрэслілі ў Радзе ЕС.
У Еўрапейскім савеце таксама заявілі, што ЕС па-ранейшаму настроены і надалей узмацняць ціск на Расію і аслабляць яе ваенную эканоміку, каб прымусіць Маскву спыніць агрэсіўную вайну супраць Украіны і пачаць змястоўныя мірныя перамовы.
У Еўрапейскім савеце дадалі, што важна і надалей скарачаць энергетычныя даходы Расіі, абмяжоўваць дзейнасць яе ценявога флоту і звужаць магчымасці расійскай банкаўскай сістэмы. Таксама там заклікалі як мага хутчэй ухваліць 21-ы пакет санкцый.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
