«Беларуськалію» не ўдалося зняць санкцыі праз еўрапейскі суд

Суд Еўрасаюза ў Люксембургу цалкам адхіліў апеляцыі кампаніі.

Суд Еўрасаюза ў Люксембургу цалкам адхіліў апеляцыі кампаніі «Беларуськалій», яе экс-гендырэктара Івана Галаватага і «Беларускай калійнай кампаніі» (БКК). Раней уведзеныя супраць іх абмежавальныя меры застаюцца ў сіле, гаворыцца ў рашэнні суда ад 18 чэрвеня.

Галаваты, «Беларуськалій» і БКК спрабавалі аспрэчыць уведзеныя ЕС абмежаванні, сцвярджаючы, што паняцце «рэжым Лукашэнкі» юрыдычна не вызначанае і расплывістае. Аднак суд пастанавіў, што яно дастаткова зразумела ў кантэксце палітыкі ЕС.

Гэта значыць, выплата значных падаткаў, дывідэндаў, атрыманне дзяржаўных субсідый у цяперашніх умовах прыраўноўваецца да падтрымкі «рэжыму Лукашэнкі».

Суд пацвердзіў, што «Беларуськалій» і БКК з'яўляюцца «кашалькамі» рэжыму — яны забяспечваюць значныя паступленні валюты ў бюджэт. А гэтыя даходы выкарыстоўваюцца Лукашэнкам для падтрымання сваёй улады.

Што датычыцца «Беларуськалія» і Галаватага, суд пацвердзіў абгрунтаванасць абвінавачванняў у рэпрэсіях супраць грамадзянскай супольнасці. Гэта звязана з запалохваннем і звальненнямі работнікаў прадпрыемства, якія ўдзельнічалі ў забастоўках і мірных пратэстах пасля выбараў 2020 года.

Суд прызнаў уключэнне «Беларуськалія», БКК і Івана Галаватага у санкцыйныя спісы законным і абгрунтаваным. Усе іх аргументы пра «юрыдычную нявызначанасць» і «звышмернасць» мер былі адхілены. Таксама заяўнікаў абавязалі аплаціць судовыя выдаткі. Абмежаванні на ўезд і замарожванне сродкаў застаюцца ў сіле.

Дарэчы, Лукашэнка зняў Галаватага з пасады гендырэктара «Беларуськалія» ў лістападзе 2024-га, прапаноўваў накіраваць яго куды-небудзь паслом. Мінулага года яго заўважалі на пасадзе намесніка дырэктара Нежынскага горна-абагачальнага камбіната.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]