У Расіі пачаўся дэфіцыт бензіну ў 53 рэгіёнах

На АЗС абмяжоўваюць продаж паліва.

У Расіі імкліва абвастраецца дэфіцыт паліва. Абмежаванні на адпуск бензіну для прыватнага транспарту ўжо дзейнічаюць у 53 рэгіёнах краіны, а таксама на часова акупаваных тэрыторыях Украіны.

Пра гэта пішуць расійскія СМІ, у тым ліку і The Moscow Times.

Бензін прадаюць толькі ў бак

У трэці расійскіх рэгіёнаў вадзіцелям адпускаюць не больш за поўны бак або да 50 літраў бензіну за адну запраўку.

Акрамя таго, буйныя сеткі АЗС «Роснефть», «Башнефть» і ТНК забаронілі продаж бензіну ў каністры.

Такія ж абмежаванні дзейнічаюць у часова акупаваным Крыме, у Севастопалі, а таксама ў некаторых раёнах Херсонскай, Запарожскай, Данецкай і Луганскай абласцей.

Пасля удараў па НПЗ узнік дэфіцыт

Выданне адзначае, што праблемы з палівам сталі наступствам сістэматычных удараў украінскіх беспілотнікаў па расійскіх нафтаперапрацоўчых заводах.

Да канца вясны частка буйных НПЗ у цэнтральных рэгіёнах РФ скараціла вытворчасць або цалкам прыпыніла працу.

Паводле ацэнак аналітыкаў Energy Intelligence, цяпер прастойвае амаль траціна нафтаперапрацоўчых магутнасцяў Расіі - каля 2,14 мільёна барэляў у суткі.

На пачатку чэрвеня аб'ёмы перапрацоўкі нафты ў краіне ўпалі ніжэй за чатыры мільёны барэляў у суткі. Гэта самы нізкі паказчык за апошнія 21 год.

Паліва імкліва даражэе

На фоне дэфіцыту рэзка выраслі аптовыя цэны на паліва.

З пачатку года бензін маркі АІ-92 падаражэў на 30%, АІ-95 - на 33%, а дызельнае паліва - на 40%.

У Федэральнай антыманапольнай службе РФ заявілі пра актывізацыю спекулянтаў, якія масава скупляюць даступныя аб'ёмы паліва.

Аналітыкі Energy Intelligence прагназуюць, што цяперашняя сітуацыя можа перарасці ў самы маштабны паліўны крызіс у сучаснай гісторыі Расіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]