Беларус атрымаў штраф 2250 рублёў за адзін долар у кашальку

Гісторыя адбылася ў Мінску.

Жыхар Мінска атрымаў штраф 2250 рублёў за чужы кашалёк з адным доларам. Падрабязнасці ў пракуратуры Заводскага раёна паведамілі агенцтву «Мінск-Навіны».

Фігурантам крымінальнай справы стаў 33-гадовы гараджанін. Праходзячы міма гандлёвага цэнтра на Партызанскім праспекце, мужчына ўбачыў, як у хлопца, што ішоў наперадзе, з кішэні выпаў кашалёк. Мінчанін не паклікаў мінака, а падняў яго з тратуара і прысвоіў сабе партманэ. У кашальку ляжалі адзін долар, 150 беларускіх рублёў, банкаўскія карты, ключ ад аўтамабіля і дакументы.

Калі ўладальнік кашалька звярнуўся ў міліцыю, знойсці прапажу і злодзея ўдалося па запісах з камер відэаназірання. Сваю віну мінчанін прызнаў і пакаяўся, таксама ён добраахвотна кампенсаваў нанесеную шкоду.

Вядома, што раней у затрыманага слесара па рамонце аўтамабіляў у прыватнай кампаніі судзімасці не было. Суд прызнаў яго вінаватым у крадзяжы (ч. 1 арт. 205 Крымінальнага кодэкса Беларусі) і прыгаварыў да штрафу ў 50 базавых велічынь (2250 беларускіх рублёў). Таксама мінчаніна будуць прымусова лячыць ад хранічнага алкагалізму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]