У Беларусі забаранілі кітайскія электрапрыборы і цацкі

Некаторыя з іх могуць быць у вас дома.

Пазлы, кніжкі, аўтамат-цацка, абагравальнік — у рэестр небяспечнай прадукцыі Дзяржстандарта трапілі тавары расійскіх, кітайскіх і беларускіх вытворцаў. Тавары з гэтага спісу забаронена ўвозіць і прадаваць, паведамляе Onlíner.

Так, пазлы «Рыжы кот» і «Маша і мядзведзі», а таксама развівальная гульня «Гадзіннік-каляндар» і дошкі для выпальвання «Квадрацыкл і матацыкл», «Трыцэратопс і тыраназавр» значна перавышаюць дапушчальны ўзровень міграцыі фармальдэгіду ў паветранае асяроддзе. У дзіцячай кнізе «Цудоўнае падарожжа Нільса з дзікімі гусямі» зафіксаваныя занадта вузкія для маленькага чытача прабелы паміж словамі.

Аўтамат-цацка і сінтэзатар-цацка з Кітая аказаліся гучней, чым дапускаецца, а пры праверцы электрычных чайнікаў Leben адбыўся прабой ізаляцыі. Падобныя праблемы ў начнікоў «Месяц» і «Зорка». Забаронены да абарачэння і пяць мадэляў беларускага электраканвектара «Теплея» — ёсць прэтэнзіі да афармлення інструкцый і да цеплаўстойлівасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]