За аплатай паркоўкі ў Мінску ўжо сочыць спецыяльная машына

Вадзіцелям на паметку.

У Мінску пашыраюць зоны платнай паркоўкі і ўкараняюць аўтаматычны кантроль за вадзіцелямі. У сталіцы запусцілі мабільны комплекс, які ўсталяваны на легкавым аўтамабілі, паведаміў дзяржаўны тэлеканал СТВ.

Патрульнае аўто не мае праблісковых маячкоў, а пазнаць яго можна па магнітных налепках «Бяспека руху». Спецыяльная сістэма скануе нумары аўтамабіляў і правярае іх па базе аплат.

Пры першай фіксацыі даныя ўносяць у сістэму. Калі аплата так і не паступіла, пры паўторным праездзе інспектар пакідае на лабавым шкле інфармацыйны лісток. Вадзіцелям нагадваюць: за неаплату паслугі, акрамя тарыфу за паркоўку, прадугледжаны штраф у памеры адной базавай велічыні. У Мінску пакуль курсіруе адно спецыяльнае аўто, але іх павінна стаць больш.

«Машына ўжо ёсць, цяпер заканчваюцца работы па сертыфікацыі абсталявання. І як толькі яно будзе ў Рэспубліцы Беларусь сертыфікавана, мы адразу яго будзем набываць і ўсталёўваць. Таксама развіваецца сістэма платнай паркоўкі. Плануецца, што сёлета яна дойдзе да колькасці 10 тысяч машынамесцаў», — расказаў гендырэктар дзяржаўнага аб’яднання «Гаражы, аўтастаянкі і паркоўкі» Андрэй Зыранёў.

Нагадаем, у Мінску налічваецца 70 платных парковак, сем з якіх зачыняюцца шлагбаумам. Там могуць размясціцца больш за 6300 аўтамабіляў. У планах абсталяваць яшчэ больш за 4 тысячы месцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]