ДАІ запускае кантроль за самакатамі

Хуткасць пачалі вымяраць радарамі — парушальнікам пагражаюць штрафы.

ДАІ пачала вымяраць хуткасць сродкаў персанальнай мабільнасці (СПМ) у месцах, дзе яны часцей за ўсё сутыкаюцца з пешаходамі і веласіпедыстамі. Аб гэтым расійскаму СМІ паведаміў начальнік Галоўнага ўпраўлення ДАІ МУС Беларусі Віктар Ротчанкаў.

Для вымярэння хуткасці выкарыстоўваецца тэхнічны комплекс «Скат-ПП», які вырабляюць у Расіі.

«Дадзены комплекс фіксуе перавышэнне хуткасці руху гэтымі ўдзельнікамі дарожнага руху і перадае інфармацыю супрацоўнікам ДАІ», — патлумачыў Ротчанкаў.

Інспектар атрымлівае інфармацыю на планшэт, каб можна было спыніць парушальніка і прыцягнуць да адказнасці паводле артыкула 18.20 КаАП. Штраф можа складаць ад адной да трох базавых велічынь (45–135 рублёў), а пры пэўных абставінах і больш.

Таксама начальнік ДАІ нагадаў, што з 1 верасня мінулага года разганяцца на СПМ у горадзе хутчэй за 10 км/г нельга. Выключэнне — веладарожкі.

«Абмежаванні былі ўведзены на падставе аналізу здарэнняў, якія адбываліся на вулічна-дарожнай сетцы», — патлумачыў ён.

Толькі ў Мінску за 2025 год было прыблізна 500 здарэнняў, калі СПМ сутыкаліся з пешаходамі або з веласіпедыстамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]