Узброеныя сілы Украіны атакавалі штаб расійскага БПЛА-падраздзялення «Рубікон»
2- 22.05.2026, 19:45
- 2,376
Інфармацыю пацвердзіў Генштаб Узброеных Сіл Украіны.
У ноч на 22 мая ўкраінскія вайскоўцы нанеслі ўдар па штабе падраздзялення «Рубікон» у раёне Старобельска ў акупаванай Луганскай вобласці. Пра гэта паведаміў Генеральны штаб Узброеных Сіл Украіны ў сваім тэлеграм-канале, абвергшы сцвярджанні Масквы пра ўдар па студэнцкім інтэрнаце. У заяве падкрэсліваецца, што Узброеныя Сілы Украіны строга выконваюць нормы міжнароднага гуманітарнага права і наносяць удары выключна па вайсковай інфраструктуры і аб'ектах, якія выкарыстоўваюцца ў ваенных мэтах.
«Рубікон» — расійскае вайсковае спецпадраздзяленне «Цэнтр перспектыўных беспілотных тэхналогій», прадстаўнікі якога рэгулярна наносяць удары па мірным насельніцтве і грамадзянскіх аб'ектах на тэрыторыі Украіны, адзначылі ў Генштабе. Паводле даных украінскага камандавання, Узброеныя Сілы Украіны таксама паразілі нафтаперапрацоўчы завод, склады боепрыпасаў, сродкі СПА, пункты кіравання і жывую сілу праціўніка.
Уладзімір Пуцін паведаміў, што ўдар па інтэрнаце быў мэтавым, і даручыў Міністэрству абароны РФ падрыхтаваць адказ. Ён падкрэсліў, што «няма ніякіх аб'ектаў ваеннага прызначэння побач з інтэрнатам», а таму «няма ніякіх падстаў казаць, што снарады трапілі ў будынак пад дзеяннем нашых сродкаў СПА, радыёэлектроннай барацьбы». У выніку ўдару, паводле слоў Пуціна, загінулі шэсць чалавек, 39 пацярпелі, яшчэ 15 лічацца зніклымі без вестак.
Расійскі МЗС раней заявіў, што ўдар быў нанесены дальнабойнай зброяй пры тэхнічным садзейнічанні «спецыялістаў з краін НАТА», і заклікаў міжнародныя структуры і ўрады даць ацэнку дзеянням Украіны і асудзіць іх.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
