Меркель не падтрымала ідэю стаць перамоўшчыцай ад Еўропы ў перамовах з Расіяй

Былая канцлерка Германіі заявіла, што ў перамовах павінны браць удзел дзеючыя еўрапейскія палітыкі.

Былая канцлерка Германіі Ангела Меркель заявіла, што ў магчымых перамовах Еўрасаюза і Расіі павінны браць удзел дзеючыя еўрапейскія палітыкі. Пра тое, што ў Брусэлі разглядаюць спадарыню Меркель у якасці перамоўшчыцы ад ЕС, паведамляла выданне Politico.

Меркель сказала, што не атрымлівала афіцыйных прапаноў прадстаўляць ЕС на перамовах з Расіяй. «Мы маглі весці (перамовы. — Заўв.) з прэзідэнтам (Расіі Уладзімірам. — Заўв.) Пуціным толькі таму, што мелі палітычную ўладу», — сказала Ангела Меркель у эфіры радыёстанцыі WDR, маючы на ўвазе абмеркаванні Мінскіх пагадненняў у 2014 годзе.

«Асабіста мне ніколі б не прыйшло ў галаву папрасіць пасрэдніка паехаць у Мінск ад майго імя і пагаварыць з Пуціным. Вы павінны ўзяць гэта ў свае рукі», — дадала былая канцлерка ФРГ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]