Мальта набыла доступ да ChatGPT для ўсіх жыхароў краіны

Гэта першы падобны выпадак у свеце.

Урад Мальты заключыў пагадненне з амерыканскай кампаніяй OpenAI, паводле якога ўсе жыхары краіны атрымаюць бясплатны доступ да сэрвісу ChatGPT, паведамляе Reuters.

«Мальта — першая краіна, што запусціла партнёрства такога маштабу, бо мы не дазваляем нашым грамадзянам адставаць у лічбавай эпосе. Мы ставім нашых людзей у авангард глабальных перамен», — пракаментаваў здзелку міністр эканомікі, прадпрымальніцтва і стратэгічных праектаў краіны Сільвіё Шэмбры. Ён дадаў, што такім чынам улады Мальты збіраюцца ператварыць «незвыклую канцэпцыю ў практычную дапамогу» для грамадзян.

Першы этап праграмы пад назвай «Штучны інтэлект для ўсіх» пачнецца ўжо ў маі. Каардынаваць доступ да бясплатных падпісак будзе Упраўленне лічбавых інавацый Мальты. Каб на працягу года бясплатна карыстацца прасунутай версіяй ChatGPT Plus, спатрэбіцца падаць заяўку і прайсці спецыяльны анлайн-курс AI for All, распрацаваны Універсітэтам Мальты. Праграма таксама будзе даступная грамадзянам краіны, якія жывуць за мяжой. Кампанія OpenAI не раскрыла фінансавых дэталяў пагаднення. Падпіска ChatGPT Plus каштуе $20 у месяц. На Мальце жыве 574,2 тыс. чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]