«Любуешся рамонтам і ідзеш у платную клініку»

Мінчанка паскардзілася, што ў новую паліклініку «не завезлі лекараў».

Паўгода таму ў Копішчы пачала працаваць новая паліклініка. Яе адкрыцця чакалі не толькі жыхары Новае Баравой, але і пацыенты з іншых населеных пунктаў. Сёння ў гэтых сценах медыцынскую дапамогу атрымлівае больш за 30 тысяч жыхароў Мінскага раёна. Аднак водгук адной пацыенткі выклікаў бурную дыскусію ў Threads — на яго адказалі ў адміністрацыі медустановы, піша «Прысталічча».

«Новая паліклініка ў Копішчы — як дарагі спа-салон: стэрыльна, прыгожа, светла. Толькі вось лекараў туды не завезлі. Запіс — на месяц, а дапамога патрэбна цяпер. У выніку любуешся рамонтам і ідзеш у платную клініку. Прыгажосць без медыцыны — здзек над пацыентамі. Ці я перабольшваю, і ў ўсіх цяпер праблемы з запісам да лекараў?» — напісала карыстальніца.

Загадчыца паліклінікі Кацярына Ігідава прызналася, што сама сочыць за грамадскай думкай. Напрыклад, у першыя тыдні пацыенты звярнулі ўвагу на нізкае акно рэгістратуры:

— Мы паставілі для зручнасці стульчык, але гэта паўплывала на хуткасць абслугоўвання. Узніклі іншыя пытанні, таму стульчык прыбралі. У цэлым вялікіх чэргаў у нас няма. Скупчэнне бывае раніцай, у траўматолага або хірурга ў гадзіны прыёму, а таксама на рэнтген або ЭКГ.

Паводле слоў загадчыцы, негатыўныя водгукі былі ў асноўным у перыяд адкрыцця:

— У нас, як і па ўсёй краіне, не працуе сістэма найму работнікаў загадзя. Укамплектаванне штатных пасадаў адбывалася па факце ўвядзення паліклінікі ў эксплуатацыю і далей, па меры прыцягнення супрацоўнікаў.

На момант адкрыцця ў паліклініцы працавалі 40 лекараў. Дадаткова прыступілі: у верасні — пяць лекараў, у кастрычніку — два, у лістападзе — адзін, у студзені — два, у лютым — адзін, у сакавіку — два.

У жніўні плануюць укамплектаваць вакантныя пасады за кошт маладых спецыялістаў, якія прыбываюць у Мінскую ЦРКБ на першае працоўнае месца.

Што да скаргаў ад пацыентаў на запіс да вузкіх спецыялістаў за месяц, загадчыца сцвярджае, што гэтае пытанне востра не стаіць:

— Запіс праз інтэрнэт да лекараў агульнай практыкі складае ад 3 да 14 дзён, да спецыялістаў — да 3 дзён. Гэта далёка не месяц. Выключэнне — дзіцячы афтальмолаг (да 2 тыдняў), але гэта часовая сітуацыя з кадрамі. Пры гэтым, калі чалавеку дрэнна, неадкладная дапамога аказваецца імгненна. А тым, хто хоча «сёння да кардыёлага», але без паказанняў, — так, давядзецца пачакаць або ехаць у Бараўляны (6,7 км ад нас).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]