У Беларусі пачалася рэгістрацыя на ЦТ

Што новага чакае абітурыентаў у гэтым годзе?

У Беларусі пачалася рэгістрацыя на цэнтралізаванае тэставанне. Яна будзе праходзіць з 9 па 22 красавіка. Ёсць два варыянты, як запісацца: можна прайсці анлайн-рэгістрацыю на сайце Рэспубліканскага інстытута кантролю ведаў (РІКВ) або падаць заяву асабіста ў адным з пунктаў рэгістрацыі. Пра гэта паведамляе Міністэрства адукацыі.

— Абітурыент павінен паспець да 22 красавіка ўключна прыехаць у пункт рэгістрацыі і атрымаць папяровы пропуск. Мы паступова пастараемся адысці ад такога фармату. Але гэта праца не аднаго года, — адзначае дырэктар РІКВ Дзмітрый Міронаў. Таму прайсці ўсе этапы падрыхтоўкі да экзамену ў анлайн-фармаце пакуль не атрымаецца.

З навінак у гэтым годзе — абітурыентам пачнуць прыходзіць SMS-апавяшчэнні.

— Прыйдуць дзве SMS. Першая паведаміць пра рэгістрацыю на ЦТ і зверне ўвагу на тое, што абітурыенту неабходна забраць пропуск у пункце правядзення выпрабавання. Інакш рэгістрацыя лічыцца незавершанай. А другая прыйдзе напярэдадні ЦТ з напамінам, што заўтра адбудзецца тэставанне, — распавядае Дзмітрый Міронаў.

Экзамены будуць праходзіць у 40 вышэйшых і сярэдніх навучальных установах краіны, большасць з іх знаходзіцца ў Мінску. Задзейнічаны 32 ВНУ і 8 каледжаў.

Аплаціць свой удзел у ЦТ можна праз ЕРІП. Кошт тэставання па адным вучэбным прадмеце складае 0,1 базавай велічыні — 4,5 рубля. Льготнікам плаціць не трэба, але падаваць заяву ім неабходна асабіста ў пункце рэгістрацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]