Двум беларусам забаранілі траціць уласныя пэнсію і заробак

Чаму?

У Бялыніцкім раёне двум беларусам забаранілі самастойна распараджацца сваімі даходамі, паведамілі ў службе інфармацыі пракуратуры Магілёўскай вобласці.

Калі быць больш дакладна, двое мужчын не змогуць траціць заробак і пэнсію.

Ім дазволілі здзяйсняць толькі дробныя бытавыя здзелкі.

У Беларусі суды могуць абмежаваць дзеяздольнасць тых, хто злоўжывае алькаголем, наркотыкамі і г.д.

Аналагічная сітуацыя адбылася з 71-гадовым жыхаром Бялыніч. Прыблізна 20 гадоў у мужчыны праблемы са спіртнымі напоямі.

«Усе атрыманыя даходы, у тым ліку пэнсію, мужчына траціў на набыццё алькаголю. Матэрыяльнай дапамогі сям’і не аказваў, у нясенні выдаткаў па доме не ўдзельнічаў — тым самым ставіў сваю сям’ю ў цяжкае матэрыяльнае становішча», — адзначылі ў пракуратуры.

Таму пракурор накіраваў у суд заяву аб прызнанні пенсіянера абмежавана дзеяздольным.

Яшчэ адзін выпадак, звязаны з алькаголем, здарыўся з 43-гадовым мужчынам.

Ён жыў са сваёй маці і ўсё, што зарабляў, траціў на спіртное.

«На гэтай глебе ўзнікалі сямейныя скандалы — мясцовы жыхар неаднаразова прыцягваўся да адміністрацыйнай адказнасці, разглядаўся на пасяджэннях савета грамадскага пункта аховы правапарадку», — ахарактарызавалі мужчыну ў пракуратуры.

З улікам усяго гэтага суд абмежаваў і яго дзеяздольнасць.

Цяпер беларусам дазволена здзяйсняць толькі дробныя бытавыя здзелкі.

Усё астатняе (у тым ліку атрымліваць заробак, пэнсію, іншыя даходы і распараджацца імі) — толькі са згоды папячыцеля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]