Настаўнік, 31 год: новыя падрабязнасці пра мужчыну, які ўчыніў страляніну на прыёме Трампа
21- 26.04.2026, 10:51
- 6,200
Нападнік быў узброены драбавіком, пісталетам і некалькімі нажамі.
Сталі вядомыя першыя падрабязнасці пра мужчыну, які ўчыніў страляніну падчас вячэры Асацыяцыі карэспандэнтаў Белага дома, дзе знаходзіліся прэзідэнт ЗША Дональд Трамп і першая лэдзі Меланія Трамп.
Як паведамляе CBS News, крыніцы ў праваахоўных органах ЗША ідэнтыфікавалі ў ім 31-гадовага жыхара горада Торэнс, што ў штаце Каліфорнія. Паводле звестак CNN, ён настаўнік.
Улады не абнародавалі інфармацыю пра магчымыя матывы падазраванага, але дзве крыніцы паведамілі CBS News, што пасля арышту ён заявіў праваахоўным органам пра сваё жаданне застрэліць чыноўнікаў адміністрацыі Трампа.
Як паведамляе выданне са спасылкай на дзве крыніцы, падчас інцыдэнту мужчына зрабіў не менш за пяць–восем стрэлаў.
На начной прэс-канферэнцыі выконваючы абавязкі начальніка сталічнай паліцыі акругі Калумбія Джэф Кэрол заявіў, што падазраваны быў узброены драбавіком, пісталетам і некалькімі нажамі, паведамляе CBS News. З гэтай зброяй ён паспрабаваў прарвацца праз кантрольна-прапускны пункт каля гатэля Washington Hilton у Вашынгтоне, дзе праходзіла вячэра.
Паводле слоў Кэрола, падазраваны не атрымаў агнястрэльных раненняў, але быў дастаўлены ў бальніцу для абследавання.
Пры гэтым, па меншай меры адзін агент Сакрэтнай службы атрымаў раненне ад стрэлу стралка. Але, паколькі ён быў абаронены бронекамізэлькай, чакаецца, што з ім усё будзе ў парадку.
Нагадаем, у суботу ўвечары мужчына адкрыў агонь каля бальнай залы, дзе прэзідэнт Трамп і іншыя высокапастаўленыя чыноўнікі прысутнічалі на вячэры для карэспандэнтаў Белага дома. Прэзідэнт і першая лэдзі Меланія Трамп былі паспяхова эвакуяваныя, ніхто з прысутных сур'ёзна не пацярпеў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
