У Беларусі ўводзяць змены на рынку працы
6- 26.04.2026, 12:55
- 2,116
Ёсць навацыя і для падлеткаў.
У Беларусі ўводзяць некалькі змен на рынку працы. «Зеркало» расказала падрабязнасці.
Навацыя для падлеткаў
У Беларусі скарэктавалі пералік работ, забароненых для падлеткаў. Як паведамляюць у Мінпрацы, з гэтага спісу выключылі прафесію «трактарыст-машыніст сельскагаспадарчай вытворчасці». Раней для падлеткаў яна была пад забаронай.
Для трох прафесій павысілі мінімальны разрад выканання работ, з якога забараняецца праца непаўналетніх:
брашуравальнік (было з 2‑га разраду, стала з 3‑га);
пераплётчык (было з 2‑га, стала з 3‑га);
слесар па рамонце сельскагаспадарчых машын і абсталявання (было з 2‑га, стала з 3‑га).
«Павышэнне разраду звязана з тым, што пры выкананні работ па 2‑м разрадзе па гэтых прафесіях адсутнічаюць фактары падвышанай небяспекі (адкрытыя рухомыя/якія круцяцца элементы, перавышэнне нормаў па перамяшчэнні/пад'ёме цяжараў уручную). Пры выкананні ж работ па 3‑м разрадзе і вышэй такія фактары прысутнічаюць», — удакладнілі ў Мінпрацы.
Змяненне ў ахове працы
У Мінпрацы нагадалі, што з 26 красавіка абновяць правілы аховы працы пры выкананні работ на вышыні ў будаўніцтве. «Зменены крытэрыі аднясення работ да работ на вышыні: устаноўлена новая мяжа — 1,8 метра замест ранейшых 1,3 метра; удакладнены патрабаванні да работ у бязапорнай прасторы, уключаючы прымяненне сістэм канатнага доступу», — паведамлялі раней у Мінпрацы.
Таксама чыноўнікі ўвядуць новую сістэму арганізацыі аховы працы. Сярод іншага ўстанавяць дыферэнцыяваныя патрабаванні да сродкаў індывідуальнай абароны. «Канкрэтызаваны нормы бяспечнага правядзення работ па абслугоўванні дрэў», — паведамлялі ў ведамстве.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
