У Малі збілі расійскі верталёт

Загінулі экіпаж і агнявая група.

Сепаратысты-туарэгі «Фронту вызвалення Азавада» (FLA) разам з баевікамі-джыхадыстамі JNIM, якіх звязваюць з «Аль-Каідай», пачалі маштабныя наступальныя дзеянні супраць ваеннай хунты краіны. Пра гэта паведамляе BBC.

Баявыя дзеянні працягваліся ў раёне ваеннай базы Каты паблізу сталіцы краіны Бамако, у гарадах Гао і Кідаль і іншых.

Прадстаўнік FLA Махамед Эльмаулуд Рамадан заявіў, што яго сілы ўзялі пад кантроль некалькі пазіцый у Гао і Кідалі, дзе якраз размешчана база былых «вагнераўцаў», якіх генерал Асімі Гоіта найняў для барацьбы з паўстанцамі пасля ваеннага перавароту ў 2021 годзе.

У сацыяльных сетках публікуюць кадры, на якіх, як сцвярджаецца, гарыць збіты верталёт расійскіх наймітаў.

У нядзелю раніцай, 26 красавіка, расійскі прапагандыст Ілья Туманаў, які адмініструе профільны авіяканал Fighterbomber, пацвердзіў, што расіяне страцілі ў Афрыцы адзін з верталётаў, які трапіў пад «вонкавае агнявое ўздзеянне» зенітна-ракетнага комплексу.

Удакладняецца, што экіпаж верталёта і мабільная агнявая група на борце загінулі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]