Медперсанал у гомельскую паліклініку шукаюць праз сацсеткі

Колькі ўвогуле ў горадзе не хапае лекараў і медсясцёр?

Адна з медсясцёр размясціла аб'яву ў Threads пра тое, што ў цэнтральную паліклініку Гомеля па адрасе Мазурава, 10В-2 патрабуюцца медыцынскія сёстры агульнай практыкі і памочнікі лекара. У каментары адгукнулася лекар-гінеколаг, якая паведаміла пра пошук акушэрак або хірургічных медсясцёр для прыватнага медыцынскага цэнтра.

У сувязі з гэтым «Флагшток» даведаўся, колькі ўвогуле ў Гомелі не хапае лекараў і медсясцёр.

У афіцыйным банку вакансій значыцца каля 80 свабодных месцаў для медыцынскіх сясцёр (праўда, у спісе не толькі медыцынскія ўстановы). Ім гатовы плаціць у паліклініках і бальніцах ад 1000 рублёў у месяц, але ў шэрагу выпадкаў заробак складае 1500 рублёў і больш.

Свабодных вакансій лекараў у Гомелі — таксама каля 80 (але сярод іх трапляюцца ў тым ліку стаматолагі і ветэрынарныя лекары). Найвышэйшую зарплату для лекара-спецыяліста прапануюць у гарадской паліклініцы №1 — амаль 2700 рублёў для лекара-хірурга.

Менш за ўсё гатовы плаціць лекарам у Гомельскай цэнтральнай гарадской клінічнай паліклініцы — ад 1500 рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]