У Добрушы замежнік забіў цяжарную жонку і ўзяў у закладнікі падчарыцу

Сілавікі змаглі яго абясшкодзіць.

У Добрушы будуць судзіць замежніка (часцяком улады наўпрост не называюць, што злачынствы здзяйсняюць грамадзяне РФ — заўв. Charter97.org), абвінавачанага ў забойстве цяжарнай жонкі і шэрагу цяжкіх злачынстваў супраць дзяцей. Пра гэта паведамілі ў пракуратуры.

Паводле звестак следства, у верасні 2023 года мужчына здзекаўся з 16-гадовай падчарыцы — збіваў і душыў яе, у тым ліку з-за карыстання мабільным тэлефонам.

Трагедыя адбылася 9 кастрычніка 2025 года. Знаходзячыся ў стане алкагольнага ап'янення, абвінавачаны з асаблівай жорсткасцю забіў сваю цяжарную жонку: ён нанёс ёй не менш як два нажавыя ўдары ў грудзі і шыю на вачах у малалетніх дзяцей. Жанчына памерла на месцы.

Пасля гэтага мужчына напаў на 16-гадовага пасынка, які спрабаваў абараніць маці, а потым, пагражаючы нажом, учыніў гвалтоўныя дзеянні сэксуальнага характару ў дачыненні да падчарыцы.

Пры затрыманні абвінавачаны аказаў супраціў і ўзяў дзяўчыну ў закладніцы, патрабуючы ад супрацоўнікаў АМОН перадаць яму зброю. Сілавікі змаглі яго абясшкодзіць і вызваліць пацярпелую.

Дзяцей у той жа дзень шпіталізавалі, пазней іх накіравалі ў сацыяльна-педагагічны цэнтр, а потым перадалі ў прыёмную сям'ю.

На дадзены момант абвінавачаны пазбаўлены бацькоўскіх правоў у дачыненні да траіх дзяцей. Справа накіравана ў суд, яму пагражае вышэйшая мера пакарання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]