Папа Леў XIV выступіў у Камеруне з заклікам не патураць «забаганкам уплывовых»

Пантыфік выступіў са зваротам да кіраўніцтва Камеруна.

Падчас свайго візіту ў Камерун папа рымскі Леў XIV выступіў са зваротам да кіраўніцтва краіны, у тым ліку да прэзідэнта Полю Бійе. Ён заклікаў улады Камеруна выкараніць карупцыю і супрацьстаяць «забаганкам багатых і ўплывовых».

«Празрыстасць у кіраванні дзяржаўнымі рэсурсамі і павага да вяршэнства права маюць вырашальнае значэнне для аднаўлення даверу. Прыйшоў час звярнуцца да нашага сумлення і зрабіць смелы крок наперад... Каб перамаглі мір і справядлівасць, неабходна разарваць ланцугі карупцыі, якія калічаць уладу і пазбаўляюць яе даверу», — сказаў пантыфік (цытата паводле Reuters).

13 красавіка папа рымскі адправіўся ў 10-дзённую паездку ў афрыканскія краіны. Ён наведае Алжыр, Камерун, Анголу і Экватарыяльную Гвінею, каб прыцягнуць увагу сусветнай супольнасці да сацыяльных і эканамічных праблем рэгіёна.

Паездка пантыфіка адбываецца пасля канфлікту з адміністрацыяй прэзідэнта ЗША Дональда Трампа. Ён пачаўся пасля таго, як Леў XIV асудзіў аперацыю ЗША і Ізраіля супраць Ірана. Ён таксама назваў пагрозы прэзідэнта ЗША знішчыць іранскую цывілізацыю непрымальнымі. У адказ спадар Трамп назваў пантыфіка «слабым у барацьбе са злачыннасцю і жахлівым для знешняй палітыкі, занадта ліберальным чалавекам, які патурае левым радыкалам». У размове з журналістамі на борце самалёта па дарозе ў Алжыр папа рымскі заявіў, што «не баіцца» адміністрацыі Дональда Трампа і працягне «гучна абвяшчаць Евангелле».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]