У Калінінградзе адбылася сустрэча кіраўнікоў КДБ Беларусі і СВР Расіі

Спецслужбы абмеркавалі «процідзеянне агрэсіўнай палітыцы Захаду».

У расійскім Калінінградзе адбылася сустрэча беларускага КДБ і Службы знешняй разведкі (СВР) Расіі, дзе спецслужбы абмеркавалі, у тым ліку, «процідзеянне агрэсіўнай палітыцы Захаду» ў дачыненні да дзвюх краін. Пра гэта паведамілі ў СВР РФ.

У сустрэчы ўдзельнічалі кіраўнікі спецслужбаў — Іван Тэртэль і Сяргей Нарышкін.

«Кіраўнікі спецслужбаў абмяняліся ацэнкамі стану глабальнай і рэгіянальнай бяспекі. <…> Пацверджана дамоўленасць аб далейшай каардынацыі ў пытаннях процідзеяння агрэсіўнай палітыцы Захаду ў дачыненні да Расіі і Беларусі. Першачарговай задачай абазначана забеспячэнне кіраўніцтва Расіі і Беларусі актуальнай і дакладнай інфармацыяй пра падрыўныя планы краін Захаду і блока НАТА на постсавецкай прасторы і звязаных з гэтым пагроз для Саюзнай дзяржавы», — заявілі ў расійскай выведцы.

Таксама Тэртэль і Нарышкін прыйшлі да высновы, што неабходна актывізаваць узаемадзеянне «з мэтай недапушчэння пранікнення на тэрыторыю «саюзнай дзяржавы» носьбітаў экстрэмісцкай ідэалогіі і тэрарыстаў-баевікоў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]