Ільготны тарыф на электрычнасць увялі не для ўсіх дачнікаў у Беларусі

Ёсць чатыры ўмовы.

Урад вырашыў увесці асобны ільготны тарыф на электрычнасць для некаторых беларускіх дачнікаў. Адпаведнае рашэнне ўжо падпісаў прэм'ер-міністр Аляксандр Турчын.

Скарыстацца новым субсідаваным тарыфам дачнікі змогуць толькі пры выкананні чатырох абавязковых умоў, піша «Тэлеграф».

У падпісанай прэм'ер-міністрам пастанове Савміна прапісаны асаблівы парадак аплаты электрычнасці для асобных катэгорый дачнікаў, чые садовыя дамкі і дачы падключаныя да сетак ГПО «Белэнерга». Гаворка пра наступныя катэгорыі беларусаў:

непрацуючых пенсіянераў,

грамадзян, якія маюць права на ільготы па аплаце паслуг электразабеспячэння,

інвалідаў III групы.

Для іх разлічваць плату за святло будуць па ільготным тарыфе ў 0,12 рубля за 1 кВт·г.

Для параўнання, з 1 сакавіка 2026 года дыферэнцыяваныя тарыфы на электрычнасць у Беларусі для дачнікаў могуць дасягаць 0,1642 рубля за 1 кВт·г, а для тых, хто абавязаны плаціць па 100%-ных тарыфах (для так званых «дармаедаў») — 0,3265 рубля за 1 кВт·г.

Праўда, разлічваць на ільготны тарыф нават тыя, хто адносіцца да вышэйзгаданых катэгорый асоб, змогуць толькі пры адначасовым выкананні чатырох важных умоў:

наяўнасць тэхпашпарта на садовы домік або дачу,

рэгістрацыя па месцы знаходжання ў садовым дамку, на дачы,

адсутнасць у садовым дамку, на дачы сістэмы цэнтральнага цепла- і газазабеспячэння,

наяўнасць стацыянарнай электрычнай пліты (варочнай панэлі).

Нагадаем, сёлета ў Беларусі прадугледжаныя два этапы павышэння тарыфаў на жыллёва-камунальныя паслугі. Першы быў на пачатку года, і ўлады нават вырашылі часткова перанесці яго на сакавік, а другі запланаваны на 1 чэрвеня 2026 года, калі павінны падняцца тарыфы на цеплавую і электраэнергію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]