СМІ: Пуцін у школьных штаніках учыніў дзіўнае шоу ў Крамлі

Расійскі дыктатар здзівіў эмацыйнай мімікаю і незвычайным стылем адзення.

Расійскі лідар Уладзімір Пуцін апынуўся ў цэнтры ўвагі падчас афіцыйнай сустрэчы ў Крамлі — на гэты раз не толькі з-за палітыкі, але і з-за сваіх незвычайных паводзінаў і знешняга выгляду, паведамляе The Daily Star.

Падчас перамоваў з наваабраным прэзідэнтам Інданезіі Прабовам Субіанто расійскі лідар прадэманстраваў эмацыйную міміку, якая рэзка кантрастуе з яго звыклым стрыманым вобразам. На апублікаваных кадрах відаць, як Пуцін змяняе выразы твару — ад перабольшаных грымасаў да шырокіх усмешак, што ўжо выклікала ажыўленае абмеркаванне ў СМІ.

Дадатковую ўвагу прыцягнула і ягоная вопратка. Назіральнікі адзначылі кароткія звужаныя штаны, якія падчас сядзення выглядалі занадта паднятымі над шчыкалаткамі — выданне назвала іх «школьнымі штанікамі». Такі «няфармальны» стыль кантраставаў з класічным дрэс-кодам інданезійскай дэлегацыі і ў цэлым не адпавядаў традыцыйна стрыманаму іміджу Пуціна.

Нягледзячы на незвычайныя дэталі, афіцыйная частка сустрэчы была прысвечаная развіццю двухбаковых адносінаў паміж Масквой і Джакартай. Бакі абмеркавалі супрацоўніцтва ў сферах гандлю, энергетыкі і харчовай бяспекі.

У сустрэчы таксама ўзялі ўдзел кіраўнік МЗС РФ Сяргей Лаўроў, віцэ-прэм’ер Дзяніс Мантураў і памочнік дыктатара Юрый Ушакоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]