У Крамлі ўчынілі істэрыку з-за краін Балтыі і Фінляндыі

Заяву агучыў памочнік Пуціна Патрушаў.

Дзяржавы Балтыі і Фінляндыя нібыта дапамагаюць Украіне наносіць удары па расійскіх ваенных аб’ектах, прадастаўляючы сваю паветраную прастору для пралёту ўкраінскіх дронаў, піша «Фокус».

Гэта будзе мець для гэтых краін адпаведныя «наступствы», — заявіў у інтэрв’ю «Расійскай газеце» памочнік расійскага дыктатара Уладзіміра Пуціна Мікалай Патрушаў.

«Лічу, што саўдзельнікамі гэтых злачынстваў з’яўляюцца і суседнія дзяржавы, нават калі ўкраінскія беспілотнікі запускаюцца з палубаў суднаў у Балтыйскім моры. Пасудзіце самі. Адлегласць ад паўночных межаў Украіны да Ленінградскай вобласці — больш як 1400 кіламетраў. Такі маршрут патрабуе дбайнай прапрацоўкі і, як мінімум, згоды кіраўніцтва тых краін, над тэрыторыяй якіх ён праходзіць», — сказаў Патрушаў.

Паводле яго слоў, жыхары Эстоніі нібыта атрымліваюць SMS-паведамленні і лістоўкі, загадзя надрукаваныя ў друкарні, пра магчымую з’яву ў небе беспілотнікаў.

А Фінляндыя, паводле сцвярджэнняў Патрушава, прама заявіла, што не будзе патрабаваць ад Украіны спынення ўдараў па Ленінградскай вобласці Расіі.

«Прадастаўленне краінамі Балтыі і Фінляндыяй паветранай прасторы для пралёту ўдарных БПЛА азначае непасрэдны ўдзел дзяржаў — членаў НАТА ў атаках на расійскую тэрыторыю і інфраструктуру. З усімі высновамі і наступствамі», — падкрэсліў Патрушаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]