Скандальны расійскі спявак Лоза не паверыў у місію НАСА на Месяц

Спявак-канспіролаг назваў місію «фэйкавай».

Расійскі спявак-канспіролаг Юрый Лоза заявіў «Газеце.Ru», што не верыць у рэальнасць місіі НАСА на Месяц. На яго думку, усе 10 дзён перад жыхарамі Зямлі разыгрывалася «пастаноўка».

«Мне хапіла першых фотаздымкаў, якія выклала НАСА, каб зразумець — гэта зноў пастаноўка. Пасля гэтага я за дзеяннем не сачыў. Калі ўбачыў здымкі прываднення, зноў пераканаўся, што ўся місія фэйкавая», — сказаў Лоза.

У ноч на 11 красавіка касмічны карабель НАСА «Арыён» з экіпажам місіі «Артэміда-2» паспяхова вярнуўся на Зямлю, завяршыўшы першы за больш чым 50 гадоў пілотаваны палёт да Месяца і назад. Капсула прываднілася ў Ціхім акіяне ля ўзбярэжжа Каліфорніі пасля ўваходу ў атмасферу на хуткасці каля 40 тысяч км/гадз. Праходжанне атмасферы і спуск занялі каля 13 хвілін. Падчас палёту ў экіпажа некалькі разоў узнікалі праблемы з прыбіральняй.

За 10 дзён Artemis II прайшла больш за 1,1 мільёна кіламетраў, пабывала ў глыбокім космасе і сфатаграфавала сонечнае зацьменне, як яно бачна адтуль.

Першая высадка місіі на паверхню Месяца запланаваная на 2028 год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]