ЗША пачынаюць блакаду Армузскага праліва

Трамп загадаў затрымліваць усе суда і знішчаць пагрозы.

ЗША пачынаюць блакаду Армузскага праліва, заявіў у Truth Social амерыканскі прэзідэнт Дональд Трамп.

«Пачынаючы з гэтага моманту, ваенна-марскі флот Злучаных Штатаў, найлепшы ў свеце, пачне працэс БЛАКАДЫ любых судоў, што спрабуюць увайсці ў Армузскі праліў або пакінуць яго», — напісаў ён.

Амерыканскія сілы таксама будуць шукаць і затрымліваць суда, што заплацілі Ірану за праход праз праліў, дадаў Трамп. «Ніхто з тых, хто плаціць незаконныя пошліны, не атрымае бяспечнага праходу ў адкрытым моры», — паабяцаў амерыканскі лідар.

Паводле слоў Трампа, Іран за кошт замініравання праліва займаецца шантажом, а ЗША не дазволяць сябе шантажыраваць.

Блакада пачнецца ў бліжэйшы час, да яе падтрымання будуць прыцягнутыя і іншыя краіны, а Ірану «не будзе дазволена атрымліваць выгаду з гэтага незаконнага акту вымагальніцтва», — заявіў Трамп.

«Ім патрэбныя грошы і, што яшчэ важней, ім патрэбная ядзерная зброя. Акрамя таго, і ў патрэбны момант, мы цалкам «гатовыя да бою», і нашы вайскоўцы даб’юць тое нямногае, што засталося ад Ірана!», — напісаў прэзідэнт ЗША.

Таксама ваенна-марскія сілы ЗША пачнуць знішчаць міны, размешчаныя Іранам у праліве, паведаміў Трамп. «Любы іранец, які адкрые па нас агонь або па мірных судах, будзе знішчаны!», — папярэдзіў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]