Дураў заявіў пра новае «антыцэнзурнае» абнаўленне Telegram

Спецыяльна для расіян.

Месэнджар Telegram, які спрабуюць заблакіраваць у Расіі, атрымаў спецыяльнае абнаўленне — абноўлены пратакол абароны ад цэнзуры. Тэарэтычна гэта дазваляе карыстацца месэнджарам там, дзе яго блакуюць.

Пра гэта паведамляе заснавальнік месэнджара Павел Дураў.

— Карыстальнікам у Расіі рэкамендуецца абнавіць свае прыкладанні, каб заставацца на сувязі, нягледзячы на забарону, — гаворыцца ў яго паведамленні.

Таксама Дураў параіў расіянам усталяваць адразу некалькі VPN-сэрвісаў і праксі-сервераў. Паводле яго слоў, варта дапамагчы сябрам і сваякам зрабіць тое самае. Дураў пры гэтым раіць пазбягаць выкарыстання расійскіх прыкладанняў, калі на прыладзе ўключаны VPN — прыкладанні паведамляюць пра гэта ўладам, працу прыкладання на прыладзе могуць заблакаваць.

— Я рады бачыць, што большасць людзей ужо гэта робіць. Дзякуючы гэтаму «лічбаваму супраціву» выкарыстанне Telegram у Расіі заставалася стабільным на працягу апошняга тыдня, нягледзячы на поўную забарону, — дадаў ён.

Заўважым, нягледзячы на заяву Дурава пра абнаўленне, многія расіяне ўсё адно скардзяцца, што не могуць карыстацца Telegram. Прычына даволі простая — расійскі рэжым звярнуўся да масавай блакіроўкі менавіта праксі-сервераў. Таксама расійскія прыкладанні сапраўды паведамляюць пра выкарыстанне на прыладах VPN-сэрвісаў — «самымі агрэсіўнымі» ў гэтым плане, як пішуць расійскія каналы, сталі прыкладанні расійскіх банкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]