Беларусы могуць прайсціся па «моры Герадота»
3- 10.04.2026, 20:02
- 2,140
Байдаркі больш не патрэбныя.
У Нацыянальным парку «Прыпяцкі» запусцілі незвычайныя экскурсіі, перадае БелТА. Даследаваць «мора Герадота» цяпер можна не толькі на байдарках, расказала спецыялістка па турызме Вольга Зухта.
Штогод вясной, каб уласнымі вачыма ўбачыць разлівы Прыпяці, у Нацпарк прыязджае шмат людзей. Цяпер яны могуць паходзіць па поймавых вяковых дубровах у ботах.
Зухта патлумачыла, што гэты варыянт адпачынку раней прайшоў паспяховую апрабацыю. Яго прапаноўвалі пару сезонаў у тэставым рэжыме, але ў індывідуальным фармаце.
Высокі попыт вызначыў лёс пешых шпацыраў па «моры». Фармат запусцілі на поўную, а ўсе выхадныя да лета ўжо распісаныя. Па Прыпяці ўжо прагуляліся 100 чалавек, а запісацца паспелі яшчэ каля 100).
На гэтым у Нацпарку вырашылі не спыняцца, адкрылі сафары-тур, а таксама закупілі квадрацыклы.
«Запусцім маршруты па поймавых лугах уздоўж старыц, якіх на тэрыторыі Нацыянальнага парку 540. Выглядаюць яны шыкоўна», – заявіла Зухта.
Ахвотнікам больш памеранага адпачынку таксама ёсць што прапанаваць – веламаршрут «Пойменныя дубровы» і экасцежка «Пойма Прыпяці».
Госці, не спяшаючыся, змогуць абыйсці пойменныя дубровы, заліўныя лугі, прайсціся ўздоўж вякавых дубоў-гігантаў, паназіраць за птушкамі і першароднымі ландшафтамі.
«Анансуем маршруты фактычна як музей дуба пад адкрытым небам. Прадставім і гістарычны кантэкст, і біялогію раслін, і міфалогію, і ролю дуба ў жыцці чалавека. Глабальны праект разлічваем запусціць летам», – заявіла спецыялістка па экалагічным турызме Вольга Харытоновіч.
Каб убачыць і ў любым зручным фармаце нацешыцца веліччу «мора Герадота», трэба паспяшацца. Разліў Прыпяці звычайна цягнецца да мая.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
