У Мінску будуць выяўляць тых, хто не плаціць падатак на сабак

Звесткі пра хатніх гадаванцаў збяруць праз ветклінікі і суседзяў.

Сталічнае ЖКГ будзе атрымліваць інфармацыю пра тое, ці сапраўды ў кватэры жыве сабака, ад ветклінік, пунктаў часовага ўтрымання і гасцініц для жывёл, а таксама ад жыхароў шматпавярховак, паведамілі ў пятніцу ў арганізацыі.

На дадзены момант паводле дзеючых правілаў уладальнікі абавязаны рэгістраваць сваіх хатніх гадаванцаў, а затым сплачваць за іх падатак. З 1 ліпеня бягучага года ён будзе ўключацца ў жыроўку незалежна ад таго, зарэгістраваны пёс ці не. Льготы ёсць толькі ў інвалідаў (усіх груп), уладальнікаў сабак-павадыроў, адзінокіх пенсіянераў, шматдзетных і жыхароў прыватнага сектара.

«Інфармацыю, што сабака сапраўды жыве ў кватэры, будзем атрымліваць праз ветэрынарныя клінікі, пункты часовага ўтрымання і гасцініцы для жывёл, а таксама ад жыхароў шматпавярховак», — цытуе Telegram-канал «ЖКХ Минск Официально» намесніцу гендырэктара па ідэалагічнай працы ГО «Минское городское жилищное хозяйство» Вольгу Драпей.

Спецыялістка нагадала, што базавая стаўка падатку ў рэспубліцы складае 14 рублёў (за патэнцыйна небяспечныя пароды — 67 рублёў), але ў залежнасці ад рэгіёна яна можа вагацца. Напрыклад, у сталіцы па рашэнні Мінгарсавета за аднаго пса ўладальнікі плацяць у квартал 11,1 рубля, прытым гэтая стаўка аднолькавая для ўсіх парод.

Драпей таксама адзначыла, што падатак дазволіць падлічыць, колькі сабак ёсць у мінчукоў. Гэтая лічба, у тым ліку, будзе падставай, каб улады маглі пачаць разглядаць пытанні аб уладкаванні дадатковых пляцовак для іх выгулу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]