У Венгрыі пахіталі супрацоўнікаў украінскага «Ашчадбанка» разам з аўтамабілямі інкасацыйнай службы і каштоўнасцямі

Іх месцазнаходжанне застаецца невядомым.

Украінскі «Ашчадбанк» заявіў пра выкраданне ў Венгрыі сваіх супрацоўнікаў, а таксама двух аўтамабіляў інкасацыйнай службы і каштоўнасцяў. Пра гэта гаворыцца ў афіцыйнай заяве банка.

«Сёння, 5 сакавіка 2026 года, два аўтамабілі інкасацыйнай службы «Ашчадбанка», якія суправаджаліся сямю супрацоўнікамі інкасацыйнай брыгады, былі беспадстаўна затрыманыя ў Венгрыі пры ажыццяўленні рэгулярнай перавозкі замежнай валюты і банкаўскіх металаў паміж «Райфайзен Банкам Аўстрыя» і «Ашчадбанкам Украіны», — гаворыцца ў паведамленні.

Паводле даных GPS-сігналу, незаконна затрыманыя аўтамабілі «Ашчадбанка» знаходзяцца ў цэнтры Будапешта, паблізу адной з сілавых структураў Венгрыі. Месцазнаходжанне аўтамабіляў пацверджана прадстаўнікамі пасольства Украіны ў Венгрыі і Міністэрствам замежных спраў Украіны.

У той жа час месцазнаходжанне супрацоўнікаў «Ашчадбанка» застаецца невядомым.

«Перавозка сродкаў і каштоўнасцяў ажыццяўлялася «Ашчадбанкам» у межах і на выкананне міжнароднай дамовы з «Райфайзен Банкам Аўстрыя». Груз быў аформлены ў адпаведнасці з міжнароднымі правіламі перавозак і дзеючымі еўрапейскімі мытнымі працэдурамі. Аб’ём каштоўнасцяў, якія знаходзіліся ў выкрадзеных аўтамабілях, складае 40 млн долараў ЗША, 35 млн еўра, 9 кг золата», — дадалі ў банку.

Раней прэм’ер-міністр Венгрыі выступіў з новай заявай наконт нафтаправода «Дружба», пашкоджанага расійскімі абстрэламі. Палітык, вядомы прарасійскімі выказваннямі, пагразіў ужыць сілу для аднаўлення транзіту расійскай нафты.

Па яго словах, Венгрыя мае «палітычныя і фінансавыя інструменты», каб прымусіць Украіну аднавіць транзіт нафты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]