Расія зноў сутыкнулася з вострым дэфіцытам юаняў

Гэта дзе-факта адзіная замежная валюта, даступная для міжнароднага гандлю РФ без абмежаванняў.

Расійская банкаўская сістэма сутыкнулася з вострай нястачай кітайскіх юаняў — дзе-факта адзінай замежнай валюты, даступнай для міжнароднага гандлю без абмежаванняў, перадае The Moscow Times.

У чацвер стаўкі па крэдытах у юанях овернайт на Маскоўскай біржы ўзляцелі да 44% гадавых — столькі банкі былі гатовы плаціць адно аднаму, каб заняць кітайскую валюту. Увесь мінулы год і на пачатку гэтага года стаўкі ў юанях трымаліся каля нуля. У лютым яны раптоўна падскочылі да 10%, на пачатку сакавіка адкаціліся да 6% гадавых, а з пачатку бягучага тыдня зноў рэзка накіраваліся ўверх: 14% у аўторак, 20% у сераду.

Дэфіцыт юаняў стаў вынікам скарачэння прытоку экспартнай выручкі з-за падзення ў канцы мінулага года цэн на нафту, а таксама адмовы Мінфіна ад продажу валюты з ФНБ, тлумачыць эканаміст Ягор Сусін. У выніку «рынак разрывае», канстатуе ён.

З-за нарастаючага дэфіцыту юаняў банкі з пачатку лютага практычна штодня звяртаюцца па крэдыты ў юанях у ЦБ, пазычаючы валюту праз аперацыі своп. Мінулы год попыт на такія пазыкі быў нулявы, а да 18 сакавіка крэдытныя арганізацыі выбралі ўвесь ліміт Цэнтрабанка — 5 млрд юаняў, вынікае з яго статыстыкі.

«У адрозненне ад долараў і еўра, якія можна было свабодна пазычыць у заходняй фінансавай сістэме, расійскія кампаніі атрымліваюць юані пераважна ад гандлю, бо кітайскія банкі практычна не прадастаўляюць юані расійскім кампаніям», — адзначае галоўны аналітык Совкомбанка Міхаіл Васільеў. Але валюты ад гандлю на рынку стала істотна менш: у лютым найбуйнейшыя экспарцёры прадалі на біржы толькі $3,5 млрд — утрая меней, чым у тым жа месяцы год таму.

Рашэнне Мінфіна спыніць продажы юаняў з ФНБ, каб зберагчы рэшткі ліквідных актываў фонду, пазбавіла рынак юанёвай прапановы яшчэ на $3 млрд у месяц, ацэньвае вядучы аналітык «Фінама» Аляксандр Патавін.

Дэфіцыт юаняў стаў галоўнай прычынай рэзкага падзення рубля, указвае аналітык «Алор Брокер» Ігар Сакалоў. З пачатку тыдня курс юаня да рубля падскочыў на 7% і ў чацвер абнавіў максімум з лютага мінулага года — 12,65 рубля за юань. Даляр упершыню за год каштаваў больш за 86 рублёў, а еўра ўпершыню за паўгода шчыльна наблізіўся да адзнакі 100 (99,5 рубля за еўра на міжбанкаўскім рынку).

«Фактычна месяц рынак функцыянуе пры рэальнай цане нафты каля $45 за барэль, што прадугледжвае даволі нізкі прыток выручкі ад экспарту; выручка ад бягучых цэн $80–100 за барэль прыйдзе ў эканоміку з істотнымі затрымкамі, а балансаваць рынак у сучаснай сітуацыі асабліва няма каму», — адзначае Сусін.

Каб збалансаваць рынак, ЦБ, магчыма, варта павялічыць прадастаўленне банкам свопаў у юанях, а Мінфіну — пачаць размяшчаць свабодныя юані на рынку, прапануе эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]