Starlink у расіян ператварыўся ў гарбуз
7- Іван Якаўіна
- 5.02.2026, 14:22
- 10,850
Гэта падзея можа стаць пераломным момантам ва ўсёй вайне.
Забаўна чытаць каментары Z-ваенкараў наконт адключэння ім Starlink. Спачатку яны не верылі, што гэта наогул можа здарыцца, і ва ўсю смяяліся з «фантазій» Фядорава, які прапанаваў Маску адключыць «левыя» тэрміналы. Тыпу «а хто ён такі, каб Маск яго слухаў? Ілон — наш слоняра».
Потым, калі Маск згадзіўся, яны пачалі занепакойвацца: «Хм, калі гэта здарыцца, то трэба будзе выклікаць пасла ЗША ў МЗС РФ і выказаць яму пратэст».
Потым пераконвалі сябе, што і ўкраінцам Starlink таксама адключаць, таму, маўляў, «не ўсё так жахліва».
Далей у іх была вялікая дыскусія на тэму «А дзе ж наш Starlink? Няўжо мы не можам зрабіць такое самае?» (Вядома, не могуць, але аддаюць перавагу думаць, што проста ўсе грошы скралі — гэта не так тужліва).
А цяпер, калі ўсе іх тэрміналы ператварыліся ў гарбуз, а ўкраінскія працягнулі працаваць, яны ў поўнай разгубленасці. Думаю, сядзяць з адкрытымі ратамі, глядзяць у чорныя экраны сваіх ноўтаў і не ведаюць, што рабіць.
Яны ўсе даўно ўжо пераселі на Starlink, альтэрнатывы яму ў расійскай арміі проста няма.
Без Starlink ні пра якое аператыўнае ўзаемадзеянне суседніх частак, ні пра якое кіраванне наземнымі і далёкабойнымі дронамі, ні пра якую перадачу вялікіх аб'ёмаў дадзеных на камандныя пункты палкоў і брыгад ужо і гаварыць не даводзіцца.
Я думаю, гэта падзея можа стаць пераломным момантам ва ўсёй вайне. Украіна атрымала вельмі сур'ёзную перавагу на полі бою і вакол яго. Я ўвогуле не вельмі разумею, як яны далей збіраюцца наступаць без спадарожнікавай сувязі. На мой погляд, цяпер, у эпоху дронаў, гэта проста немагчыма.
Іван Якаўіна, «Фэйсбук».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
