У Магілёўскай вобласці мужчына параніў міліцыянера кінжалам

Ён не мог трапіць у кватэру да жонкі.

У жніўні 2025-га ў Горацкім раёне на Магілёўшчыне мужчына, які прыбыў з Расіі, не мог трапіць у кватэру да жонкі і размахваў кінжалам. Ім ён параніў аднаго з міліцыянераў, якія прыбылі на выклік. Гэта палічылі замахам на забойства, суд вынес прысуд, паведамілі ў пракуратуры Магілёўскай вобласці, піша «Зеркало».

На пачатку жніўня 2025 года мужчына прыехаў у водпуск да сям'і з Расіі, дзе працаваў мантажнікам. На працягу тыдня злоўжываў спіртным, сістэматычна ўчыняў скандалы са сваёй жонкай, яна звярталася ў міліцыю

Увечары 9 жніўня нецвярозы мужчына не змог трапіць у кватэру, бо жонка, якая там знаходзілася, зачынілася знутры — баялася ягонай агрэсіі. У выніку ён спрабаваў пашкодзіць уваходныя дзверы і выкарыстоўваў для гэтага кінжал.

На выклік аб парушэнні грамадскага парадку прыбыў нарад раённага аддзела Дэпартамента аховы МУС. У пад'ездзе адзін з міліцыянераў падвергся нападзенню.

«Абвінавачаны, ужыўшы кінжал, нанёс праваахоўніку чатыры калата-рэзаныя раны, у тым ліку ў вобласць шыі. Летальнага зыходу ўдалося пазбегнуць дзякуючы актыўнаму супраціву і спыненню супрацьпраўных дзеянняў нападніка», — паведамілі ў пракуратуры.

Суд прызнаў мужчыну вінаватым у замаху на забойства супрацоўніка органаў унутраных спраў і на падставе ч. 1 арт. 14, арт. 362 КК прызначыў 16 гадоў калоніі ўзмоцненага рэжыму.

На карысць пацярпелага суд спагнаў з абвінавачанага грашовую кампенсацыю маральнай шкоды. Яе памер не паведамляецца.

Прысуд у законную сілу не ўступіў, можа быць абскарджаны і апратэставаны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]