Беларускі барэц узяў бронзу на чэмпіянаце свету ў Астане

Для беларускай зборнай гэта ўзнагарода стала пятай.

Беларускі барэц вольнай барацьбы Магамедхабіб Кадзімагамедаў заваяваў бронзавы медаль на чэмпіянаце свету ў Астане, паведамілі ў прэс-службе Мінспорту.

Спартсмен стаў лепшым у вагавой катэгорыі да 79 кг.

Кадзімагамедаў змагаўся з прадстаўніком Азербайджана Джабраілам Гаджыевым. Беларускі спартсмен аказаўся значна мацнейшы — выйграў з лікам 3:0.

Гэта забяспечыла прадстаўніку нашай краіны бронзавы медаль.

Для беларускай зборнай гэта ўзнагарода стала пятай на цяперашнім чэмпіянаце свету. Але, што важна, бронза Кадзімагамедава — адзіны медаль ад прадстаўніка вольнай барацьбы.

Да перамогі ў паядынку з прадстаўніком Азербайджана Кадзімагамедаў перамог Мірзо Хаітаў з Узбекістана (12:1) і Шамсата Таіра з Казахстана (12:2), але ў чвэрцьфінале саступіў іранцу Мухамаду Ноходіларамі (4:6). У суцяшальным раундзе Магамедхабіб перамог Алана Амірава з Латвіі (6:1).

Таксама ў беларускай зборнай чэмпіёнам свету ў грэка-рымскай барацьбе стаў Кірыл Маскевіч (да 97 кг). Бронзу ўзялі Шуай Мамедаў (да 77 кг) і Павал Глінчук (да 130 кг). У жаночай барацьбе таксама трэцяй стала Ірына Курочкіна (да 57 кг).

Усяго ўдзел у чэмпіянаце свету ў сталіцы Казахстана прынялі каля 900 атлетаў са 135 краін, Беларусь прадставілі 17 барцоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]