Беларусы сумленна распавялі, колькі трацяць на прадукты ў месяц
4- 21.10.2026, 9:52
Пытанне ў сацсетках выклікала бурнае абмеркаванне.
Абмеркаванне штомесячных выдаткаў на прадукты харчавання запусціла ў беларускім сегменце Threads карыстальніца oksana.mama.vkube. На яе заклік падзяліцца сваімі крамнымі выдаткамі адгукнуліся дзясяткі суайчыннікаў, піша «Зеркало».
«Пытанне да беларусаў: „Колькі грошай у вас ідзе толькі на прадукты ў месяц?“» — пацікавілася oksana.mama.vkube.
Пост карыстальніцы Threads сабраў больш за 88 тысяч праглядаў і больш за дзве сотні каментараў.
Карыстальніца gusarovau60 напісала, што яе сям'я з чатырох чалавек траціць у месяц на прадукты «2500 дакладна».
«Нас чацвёра, кожны дзень мінімум 70 рублёў», — падзяліўся fedorovich_dalnoboi.
«Прыкладна 2500−3000 на траіх», — далучылася да абмеркавання yulia_julee.
«Прыкладна 1000−1200 на дваіх з мужам», — расказала nadi.jpg.
«Каля 3000 на пяцярых», — падлічыла lis_nezhik.
«4 дарослыя і 1 дзіця 12 гадоў, ідзе дзесьці 1400 рублёў плюс-мінус», — напісаў maksim_khatsuk.
«Мы з мужам трацім 300 з авансу, 300 з заробку. І раз на тры дні хлеб, малако, смятана — гэта яшчэ 10−15 рублёў. У выніку яшчэ 300. З набытага я раблю паўфабрыкаты, і ўсё выдатна. Муж — мясаед, кожны дзень мяса тры разы на дзень. Пакуль у мяне атрымліваецца так», — патлумачыла natakozyreva26.
«2000 рублёў на сям'ю з пяці чалавек. Гэта ежа дома, без рэстаранаў і кавярняў», — падзялілася mmakkarova.
«Нас у сям'і трое. Я ўжо паўгода запісваю ўсе нашы сямейныя выдаткі і кожны месяц думаю, як бы зэканоміць. Чыста на прадукты — 1200−1300. На запраўку машыны — 600−700. На кавярні — 300−400. І там па дробязях. За месяц без абавязковых плацяжоў (крэдыт, камуналка, дзіцячы садок, жыллё). Выхадзіць 3–3,5 тысячы», — распісала свае выдаткі chomka.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
