У ЗША прайшлі масавыя пратэсты супраць Трампа
5- 18.10.2026, 20:55
- 3,050
Акцыі прайшлі ва ўсіх 50 штатах.
У ЗША ва ўсіх 50 штатах адбылося больш за 3000 мерапрыемстваў руху No Kings («Ніякіх каралёў»), удзельнікі якога выступаюць супраць палітыкі прэзідэнта Дональда Трампа. Акцыі адбыліся, у прыватнасці, у Нью-Ёрку, Вашынгтоне, Лос-Анджэлесе, Чыкага, Філадэльфіі і Атланце. Арганізатары заклікалі амерыканцаў актыўней удзельнічаць у датэрміновым галасаванні перад прамежкавымі выбарамі ў Кангрэс, прызначанымі на 3 лістапада, паведамляе Deutsche Welle. Як адзначае Associated Press, пратэстоўцы абвінавачваюць Трампа ў аўтарытарызме і празмернай канцэнтрацыі ўлады.
Акрамя мітынгаў, у некаторых гарадах арганізавалі аўтапрабегі, канцэрты і сустрэчы мясцовых супольнасцяў. Дакладная колькасць удзельнікаў мерапрыемстваў пакуль невядомая.
Рух No Kings узнік у 2025 годзе. Яго ўдзельнікі абвінавачваюць адміністрацыю Трампа ў аўтарытарным стылі кіравання і аслабленні дэмакратычных інстытутаў. Паводле звестак арганізатараў, у папярэдняй маштабнай хвалі пратэстаў у сакавіку ўдзельнічалі мільёны чалавек.
Прамежкавыя выбары 3 лістапада вызначаць, якая партыя будзе кантраляваць Палату прадстаўнікоў і Сенат. Паводле апытанняў, на якія спасылаецца DW, дэмакраты па выніках галасавання могуць вярнуць большасць у Палаце прадстаўнікоў.
Тым часам рэйтынг Трампа апусціўся да аднаго з самых нізкіх значэнняў за час яго палітычнай кар’еры. Паводле апытання Reuters і Ipsos, апублікаванага ў жніўні, працу прэзідэнта адабрылі 33% амерыканцаў, а 64% ставіліся да яе неадабральна. Такі ж нізкі ўзровень адабрэння фіксаваўся ў снежні 2017 года, падчас першага прэзідэнцкага тэрміну Трампа.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
